ជាទូទៅនៅពេលមានផ្ទៃពោះ ស្ត្រីត្រូវបានណែនាំឲ្យទទួលទានអាហារដែលសម្បូរវីតាមីន ប្រូតេអ៊ីន នឹងសារធាតុចិញ្ចឹមផ្សេងៗ ដើម្បីបំប៉នទារក្នុងផ្ទៃឲ្យលូតលាស់បានល្អ។ ប៉ុន្តែក្រៅពីចង់ឲ្យកូនលូតលាស់បានល្អ តើអ្នកចង់ឲ្យកូនកើតមកមានស្បែកស្អាតដែរឬទេ? បើចង់មែននោះ សូមព្យាយាមទទួលទានអាហារ៥ប្រភេទនេះ វានឹងធ្វើឲ្យទារកកើតមកមានស្បែកស្អាតពីកំណើត។
១.ផឹកទឹកដោះគោធ្វើពីសណ្តែក ឬទឹកតៅហ៊ូ
សណ្តែកសៀង ឬតៅហ៊ូ ត្រូវបានគេរកឃើញថា មានផ្ទុកប្រូតេអ៊ីនដែលអាចជួយរក្សាសារធាតុប្រឆាំងអុកស៊ីតកម្ម និងជួយបង្កើនការលូតលាស់បានយ៉ាងល្អ។ ជាពិសេសការប្រើអាហារប្រភេទនេះ ជាអាហារសម្រន់ញឹកញាប់ វានឹងជួយជំរុញឲ្យស្បែកទារកមានភាពស្រស់ស្អាតតាំងពីនៅក្នុងពោះ។
២.ទឹកដូង
ទឹកដូង សម្បូរទៅដោយអ័រម៉ូន estrogen ហើយអាចបង្កើតស្រទាប់ខូឡាជែន សម្រាប់ថែរក្សាស្បែកទារកក្នុងផ្ទៃឲ្យមានភាពស្រស់ថ្លា។ លើសពីនេះ វាអាចជួយពង្រឹងប្រព័ន្ធភាពស៊ាំរបស់អ្នកម្តាយឲ្យរឹងមាំ ជៀសផុតពីជំងឺផ្សេងៗ បើអ្នកទទួលទានជាប្រចាំ។
៣.ស៊ុតមាន់
ស៊ុតមាន់ មានផ្ទុកប្រូតេអ៊ីនច្រើន ដែលអាចជួយគាំទ្រដល់ការលូតលាស់នៃរាងកាយ រួមទាំងអាចជួសជុលជាលិកាស្បែករបស់អ្នកម្តាយ និងទារកផងដែរ។ ប្រសិនបើអ្នកចង់ឲ្យកូនក្នុងផ្ទៃមានសុខភាពល្អ និងស្បែកស្រស់ស្អាត អ្នកគួរតែញ៉ាំស៊ុតឲ្យបានញឹកញាប់។
៤.ផ្លែទំពាំងបាយជូរ
ផ្លែទំពាំងបាយជូរ ជាផ្លែឈើដែលល្អបំផុតសម្រាប់ការអភិវឌ្ឍទារកមិនទាន់កើត។ វាអាចជួយរក្សាកោសិកាប្រសាទ ខួរក្បាល និងធ្វើឲ្យប្រព័ន្ធឈាមរត់ដំណើរការបានល្អ។ លើសពីនេះវាអាចបង្កើតស្រឡាប់ខូឡាជែន ដែលអាចជួយឲ្យអ្នកម្តាយមានសម្រស់ក្មេងជាងវ័យ ហើយទារកក្នុងផ្ទៃក៏មានស្បែកស្អាតផងដែរ។
៥.បរិភោគត្រីដែមានផ្ទុកអូមេហ្គា ៣
ដោយសារតែសារធាតុអូមេហ្គា ៣ គឺជាវីរបុរសប្រយុទ្ធប្រឆាំងនឹងរ៉ាឌីកាល់សេរី ដែលបង្កអន្តរាយដល់ស្បែកម្តាយ និងទារកក្នុងផ្ទៃ។ ដូច្នេះអ្នកជំនាញ បានណែនាំឲ្យអ្នកម្តាយបរិភោគត្រីរាល់ថ្ងៃ ដើម្បីកាត់បន្ថយកាឡូរី ធ្វើឲ្យរាងកាយមានសុខភាពល្អ និងរក្សាស្បែកឲ្យស្អាត ទាំងម្តាយទាំងកូន៕
