អាហារ៣ប្រភេទ ញ៉ាំ​ត្រូវមាត់​ហើយ​អាច​កាត់បន្ថយ​អាកា​រៈ​ចាញ់កូន​បាន​ទៀត

0

ក្នុង​រយៈពេល៣ខែ​ដំបូង អ្នក​ម្តាយ​ភាគច្រើន​តែងតែមាន​អាកា​រៈ​ក្អួត ចង្អោរ វិលមុខ តើ​មែន​ទេ? នេះ​ជា​អាកា​រៈ​ចាញ់កូន ដែល​ធ្វើ​ឲ្យ​ស្ត្រី​ស្ទើរតែ​មិនអាច​ញ៉ាំ​អ្វី​បាន​ទាល់តែសោះ។ ទោះជា​យ៉ាងណា បញ្ហា​នេះ​អាច​ដោះស្រាយបាន​ប្រសិនបើ​អ្នក​ម្តាយ​ព្យាយាម​ទទួលទាន​អាហារ 3ប្រភេទ​នេះ។

១.ផ្លែឈើជូរៗ

អ្នកជំនាញ​ផ្នែក​វេជ្ជសាស្ត្រ​បាន​អះអាងថា ដោយសារតែ​ក្នុង​ខ្លួន​ស្ត្រី​មាន​ផ្ទៃពោះ មាន​ការផលិត​អ័រម៉ូន​ម្យ៉ាង​ដែល​ហៅថា Human Chorionic Gonadotropin ជា​អ័រម៉ូន​ដែល​ធ្វើ​ឲ្យ​ម្តាយ​ធុញទ្រាន់ និង​ជំរុញ​រាងកាយ​ឲ្យ​ត្រូវការ​សារធាតុចិញ្ចឹម​បន្ថែម។ នេះ​ជា​មូលហេតុ​ដែល​ធ្វើ​ឲ្យ​ស្ត្រី​មាន​អារម្មណ៍​ចូលចិត្ត​ផ្លែឈើ​ធម្មជាតិជូរៗដូចជា ស្វាយ​ខ្ចី អំពិល​ខ្ចី និង​កន្ទួត​ជាដើម ។ តែ​ហាម​ទទួលទាន​ទឹកជ្រលក់​ដែលមាន​ជាតិ​ជូរ ឬ​អាហារ​ផ្អាប់ ព្រោះ​វា​អា​ចប​ណ្តោ​ល​ឲ្យ​ស្ត្រី​ចាញ់កូន​កាន់តែខ្លាំង។

២.តែ​ខ្ញី ឬ​ក្រូចឆ្មារ

ទឹក​ខ្ញី ឬ​ទឹក​ក្រូចឆ្មារ ត្រូវបាន​គេ​ប្រើ​ធ្វើជា​ឱសថ​តាំងពី​បុរាណ​មកម្ល៉េះ ព្រោះ​វា​អាចជួយ​ធ្វើ​ឲ្យ​អ្នក​ម្តាយ​មាន​អារម្មណ៍​ស្រស់ស្រាយ បំបាត់​អារម្មណ៍​ចង់​ក្អួត ហើយក៏​អាចជួយ​បណ្តេញ​ជាតិ​ហ្គាស​ចេញពី​ក្នុង​ក្រពះ​ផងដែរ។ កាន់តែ​ពិសេស វា​អាចជួយ​ការពារ​បញ្ហា​ទល់លាមក និង​ធ្វើ​ឲ្យ​ក្រពះ​ពោះវៀន​កាន់តែ​មាន​ផាសុខភាព។

៣.យក​គ្រាប់​ធញ្ញជាតិ​ធ្វើជា​អាហារសម្រន់

នៅពេល​អ្នក​ចាញ់កូន គួរ​រក​សណ្តែក​ទុក​នៅក្បែរ​ខ្លួន​ជានិច្ច។ វា​ជា​អាហារ​ដែល​ល្អ ប្រសើរ​ជាង​អាហារសម្រន់​ដូចជា​ដំឡូងបារាំង​ចៀន ឬ​អាហារ​វេជ្ជ​ខ្ចប់​ជាច្រើន​ទៀត។ ដោយសារតែ​សណ្តែក​អាចជួយ​កាត់បន្ថយ​បញ្ហា​ចាញ់កូន ហើយ​ក៏មាន​ផ្ទុក​ប្រូតេអ៊ីន​ខ្ពស់ ដែល​អ្នក​ម្តាយ​ត្រូវការ​ផងដែរ។

ក្រៅពីនេះ អ្នក​គួរតែ​ព្យាយាម​ផ្លាស់ប្តូរ​អាហារ កុំ​ញ៉ាំ​អាហារដដែល។ បើ​ចង់​ញ៉ាំ​នំ គួរ​ញ៉ាំ​គួប​គ្នា​ជាមួយនឹង​ទឹក​ផ្លែឈើ​ស្រស់ ព្រោះ​វា​សម្បូរ​អាហារ​បំប៉ន វីតាមីន សម្រាប់​ម្តាយ និង​ទារក​ក្នុង​ផ្ទៃ៕