ទឹកភ្លោះ គឺជាសារធាតុរាវដែលបង្កើតឡើងដោយទឹករងៃ និងឈាមរបស់អ្នកម្តាយ ជ្រាបចូលទៅក្នុងថងទឹកភ្លោះតាមរយៈសុក។ ទឹកភ្លោះនេះផងដែរ មានតួនាទីការពារទារកក្នុងផ្ទៃម្តាយពីការប៉ះទង្គិះពីខាងក្រៅ ជួយរក្សាទារកឲ្យមានអារម្មណ៍កក់ក្តៅ ទារកអាចធ្វើចលនាដោយសេរី។
ទោះជាយ៉ាងណាប្រសិនបើទឹកភ្លោះបង្កើតឡើងច្រើនពេក វាអាចបង្កគុណវិប្បត្តិយ៉ាងធ្ងន់ធ្ងរ។
១.ពិបាកដកដង្ហើមមុនពេលកើត។
២.ហានិភ័យឆាប់បែកទឹកភ្លោះ កូនកើតមុនពេលកំណត់ របូតទងសុខ ឆ្លងមេរោគលើផ្លូវបង្ហូរនោម និងការមានការហូរឈាមក្រោយពេលសម្រាលអាចកើតយ៉ាងងាយប្រសិនបើអ្នកមានកូនភ្លោះ។
៣.បង្កើនឱកាសក្នុងការវះកាត់ ហើយទារកមានទីតាំងបញ្ជ្រាសនៅពេលកើត។
៤.ទារកអាចមានហានិភ័យស្លាប់ក្នុងផ្ទៃ។
៥.ទារកប្រឈមនឹងការកើតជំងឺទឹកនោមផ្អែម។
៦.ទារកអាចគ្មានលលាដ៏ក្បាល និងធ្វើឲ្យឆ្អឹងកងខ្នងមិនជាប់គ្នា។
ចំពោះការមានទឹកភ្លោះតិចពេក ក៏អាចបង្កផលលំបាកដូចគ្នា ដូចជា ទារកមានជាតិពុលច្រើនក្នុងខ្លួន សម្ពាធឈាមឡើងខ្ពស់ កម្រើកដៃជើងមិនស្រួល ការរីកចម្រើនរាងកាយទារកមិនដំណើរការតាមប្រក្រតី និងក្រូម៉ូសូមខុសប្រក្រតីជាដើម៕
