យោងតាមអ្នកជំនាញបានបង្ហាញថា ខួរក្បាលរបស់ទារកនឹងចាប់ផ្តើមបង្កើតឡើងក្នុងរយៈពេល ៣ខែដំបូង។ ដូចនេះអ្នកម៉ាក់គួរតែព្យាយាមទទួលទានអាហារដែលសម្បូរទៅដោយអាស៊ីតហ្វូលិកដូចជា ប៉េងប៉ោះ ទំបាំងបារាំង ទឹកដោះគោ និងផលផលិត…ដើម្បីធានាដល់ការលូតលាស់ខួរក្បាល ក៏ដូចជាខួរឆ្អឹងផងដែរ។
រហូតដល់៣ខែចុងក្រោយ ខួរក្បាលទារកនឹងមានការអភិវឌ្ឍលឿនបំផុត ដែលអ្នកម្តាយត្រូវយកចិត្តទុកដាក់រក្នុងការទទួលទានអាហារមានសារធាតុចិញ្ចឹមចម្រុះ និងអាហារដែលសម្បូរទៅដោយជាតិដែក វីតាមីនB12 ដើម្បីគាំទ្រដល់ការអភិវឌ្ឍឈាមក្រហម កោសិកា និងជំរុញដល់ភាពឆ្លាតវៃ។
ប៉ុន្តែ ក្រៅពីអាហារូបត្ថម្ភ អ្នកម៉ាក់ក៏គួរតែរក្សាទម្លាប់ល្អមួយចំនួនផងដែរ ប្រសិនបើចង់ឲ្យកូនកាន់តែឆ្លាតវៃ៖
១.គ្រប់គ្រងស្ត្រេស
នៅពេលអ្នកម៉ាក់មានបញ្ហាស្ត្រេសកាន់តែច្រើន អ័រម៉ូននឹងបញ្ចូនទៅកាន់កូនកាន់តែច្រើនដែរ។ ដូច្នេះ ស្ត្រីគួរធ្វើចិត្តឲ្យរីករាយជានិច្ច ដើម្បីនាំនូវផលវិជ្ជមានដល់ការអភិវឌ្ឍ IQ របស់ទារក។
២.លេងជាមួយកូន
ការជជែកលេងជាមួយកូនក្នុងពោះឲ្យបានញឹកញាប់ បង្រៀនកូនឲ្យចេះស្តាប់ភ្លេង… គឺជាឱសថថែបំប៉នខួរក្បាលក្មេងឲ្យកាន់តែឆ្លាតវៃ និងមានអារម្មណ៍ល្អ។ ជាពិសេសប្រសិនបើអ្នកម្តាយប្រព្រិត្តសកម្មភាពនេះបានទៀងទាត់ កម្រិតភាពច្រើនវៃរបស់កូនកើនឡើងកាន់តែខ្លាំង។
៣.គេងឲ្យគ្រប់គ្រាន់
ការគេងរបស់អ្នកម៉ាក់អំឡុងពេលមានផ្ទៃពោះ ក៏មានឥទ្ធិពលយ៉ាងខ្លាំង ដល់ការអភិវឌ្ឍបញ្ញានៃខួរក្បាលទារកមិនទាន់កើតដែរ។ ដូច្នេះអ្នកម៉ាកគួរតែបែងចែកពេលធ្វើការ និងពេលសម្រាកឲ្យបានសមស្រប៕
