មូលហេតុ​ដែល​ធ្វើ​ឲ្យ​ទារក​គេង​លើកដៃ​ឡើងលើ ដឹង​ហើយ​អ្នក​ច្បាស់​ជា​ភ្ញាក់ផ្អើល

0

មាន​ឆ្ងល់​ទេ ហេតុអ្វី​ទារក​គេង​លើកដៃ​ទាំងពីរ​ឡើងលើ? មនុស្ស​ភាគច្រើន​តែងតែ​យល់ថា ការ​គេង​បែបនេះ​គឺជា​ទម្លាប់​របស់​ទារកនីមួយៗ ក៏ប៉ុន្តែ​តាម​ការស្រាវជ្រាវ​បាន​រកឃើញថា ឥ​រយាប​ទ​មួយ​នេះ​មិនមែន​មកពី​ទម្លាប់​នោះទេ វា​អា​ចប​ណ្តោ​ល​មកពី​កត្តា​មួយចំនួន។

 

១.នៅពេល​មាន​អារម្មណ៍​ក្តៅស្អុះ
នៅពេល​កំពុង​គេង ប្រសិនបើ​ទារក​មាន​អារម្មណ៍​ក្តៅស្អុះ ពួកគេ​នឹង​លើកដៃ​ឡើងលើ ដើម្បី​ជួយ​សម្រួល​ឲ្យ​ខ្យល់​ចូល​ក្រោម​ក្លៀក​ទាំងសងខាង កុំ​ឲ្យ​បែកញើស។ ដូច្នេះ ឪ​ពុ​ម្តាយ​មិនចាំបាច់​ជ្រៀត​ជ្រៀក​ឥរិយាបទ​របស់​ពួកគេ​នោះទេ ព្រោះ​វា​អា​ធ្វើ​ឲ្យ​ពួកគេ​ភ្ញាក់។

 

២.ជា​ឥ​រយាប​ទ​ដ៏​ស្រួល​សម្រាប់​ទារក
ឥរិយាបទ​មួយ​នេះ ក៏​អាចជួយ​ឲ្យ​ទារក​គេង​បាន​ស្រួល និង​គេង​លក់​យ៉ាង​ឆាប់រហ័ស។

 

៣.ជា​សញ្ញា​នៃ​ការ​គេង​លង់លក់
អ្នក​អាច​ចាំ​សង្កេតមើល ប្រសិនបើ​កំពុងតែ​បំបៅ​ដោះ ទារក​ស្រាប់តែ​បញ្ចេញ​ឥរិយាបទ​ដាក់​ដៃ​ឡើងលើ​បន្តិចម្តងៗ ជា​សញ្ញា​បង្ហាញថា ពួកគេ​កំពុងតែ​គេង​លក់។ ខណៈ​នេះ ទារក​អាច​បន្លឺសំលេង​ខ្លះ ប៉ុន្តែ​ពួកគេ​មិន​ភ្ញាក់​នោះទេ។

 

 

៤.ជាការ​ភ្ញាក់
ពេល​កំពុង​គេង​លក់ ស្រាប់តែ​លឺ​សំលេង​រំខានខ្លាំងៗអ្វីមួយ ពួក​គេង​អាច​លើកដៃ​ទាំងពីរ​ឡើ​លើ​ភ្លាម ហើយ​បន្ទាប់ពី​ពីរ​បី​នាទី ពួកគេ​នឹង​ភ្ញាក់​ដឹងខ្លួន​ជាពុំខាន៕

 

 

 

មាន​ដឹង​អត់! ហេតុអ្វី​ទារក​មួយចំនួន​មាន​ថ្ពាល់ខួច

មនុស្ស​មាន​ថ្ពាល់ខួច ត្រូវបាន​គេ​ចាត់ទុកជា​មនុស្ស​ដែលមាន​ភាព​ទាក់ទាញ មាន​មន្ត​ស្នេហ៍ និង​គួរ​ឲ្យ​ខ្នាញ់​ខុសពី​មនុស្ស​ធម្មតា។ អ្នកជំនាញ​បានធ្វើការ​ប៉ាន់ប្រមាណ​ថា អ្នក​ដែលមាន​ផែនថ្ពាល់​បែបនេះ​មាន​ប្រហែលជា ២០ភាគរយ នៃ​ប្រជាជន​ទាំងអស់​ទូទាំង​សាកលលោក។

 

 

 

មនុស្ស​មួយចំនួន​ថ្វីត្បិតតែ​មាន​ថ្ពាល់ខួច​ក៏ពិតមែន ប៉ុន្តែ​ទាល់តែ​ពួកគេ​សើច ឬ​ញញឹម ទើប​ឃើញ​ស្នាម​ខូង​នៅលើ​ថ្ពាល់​ដែល​គេ​ហៅថា​ខួច រីឯ​អ្នក​ខ្លះទៀត​អាច​ខួច​តែ​ម្ខាង ឬ​ទាំងពីរ ទោះ​មិន​សើច​ក៏​មើលឃើញ​ដែរ ប្រសិនបើ​ស្នាម​ខួច​ជ្រៅ។

 

ក៏ប៉ុន្តែ តើ​អ្នកដឹង​ទេ​ថា ហេតុអ្វី​បានជា​ទារក​ចំនួន​កើតមក​មាន​ថ្ពាល់ខួច?

 

តាមពិត ថ្ពាល់ខួច កើតឡើង​ដោយសារតែ​សាច់ដុំ​អភិវឌ្ឍ​មិនបាន​គ្រប់គ្រាន់ ខណៈពេល​បង្ក​កំណើត ទើប​ធ្វើ​ឲ្យ​មាន​ស្នាម​ខូង ដែល​យើង​គ្រប់គ្នា​ហៅថា ខួច។ ប្រសិនបើ​កង្វះ​សាច់ដុំ​នេះ​កើត​ឡើងលើ​ថ្ពាល់​តែ​ម្ខាង វា​នឹង​ខួច​តែ​ម្ខាង តែបើ​កង្វះ​សាច់ដុំ​កើត​ឡើងលើ​ថ្ពាល់​ទាំងសងខាង វា​នឹង​ខួច​ទាំងសងខាង។

 

 

ក្នុងករណី​មួយចំនួន ភាព​ខួច​នេះ​អាច​រលប់​បាត់​ទៅវិញ ប្រសិនបើ​សាច់ដុំ​លូតលាស់​ពេញលេញ​នៅពេល​ពួកគេ​ធំ​ពេញវ័យ។

ដូចគ្នានេះ​ផងដែរ អ្នក​ដែលមាន​ថ្ពាល់ខួច ក៏​អា​ចប​ណ្តោ​ល​មកពី​តំណពូជ​ផងដែរ។ ជាពិសេស ប្រសិនបើ​ឪពុក ឬ​ម្តាយ​របស់​អ្នកមាន​ថ្ពាល់ខួច អ្នកនឹង​មានឱកាស​ខួច ២៥ ទៅ ៥០ភាគរយ ហើយ​ប្រសិនបើ​ឪពុកម្តាយ​របស់​អ្នក​ខួច​ទាំងពីរ អ្នក​អាចមាន​ឱកាស​ខួច​រហូតដល់ ១០០ភាគរយ៕

 

 

 

 

ហេតុអ្វី​បាន​ទារក​ចូលចិត្ត​ញញឹម​ពេល​គេង​លក់?

ច្រើនដង​ណាស់​ដែល​យើង​តែង​បាន​ឮថា ទារក ឬកូនតូចៗញញឹម​ពេល​គេង​លក់ មានន័យថា កូន​កំពុងតែ​យល់សប្តិ​ល្អ ឬ​កូន​ញញឹម​ពេល​គេង​លក់​មានន័យថា កូន​កំពុងតែ​លេង​ជាមួយ​អ្នក​ឃុំគ្រង​ការពារ​ក្មេង​ក្នុង​សុបិន ដែល​ជំនឿ​ទាំងនោះ​អាច​នឹង​ធ្វើឱ្យ​អ្នក​ម្តាយ​ជាច្រើន​នាក់​មាន​កង្វល់​ចិត្ត តែ​ការពិត​វិញ​យ៉ាងណា​នោះ យើង​នាំគ្នា​មក​មើល​ចម្លើយ​ទាំងអស់គ្នា។

 

 

កូនតូច​ញញឹម​ពេល​គេង​លក់​ព្រោះ​អ្វី?

ទារក​ក្នុងអំឡុង 0 – 1ខែ​ដំបូង​ក្រោយពេល​ប្រសូត ការ​ញញឹម​មិនបាន​កើតចេញពី​ការ​យល់សប្តិ​នោះទេ តែ​កើតចេញពី​ការ​បង្រួញ​ខ្លួន​របស់​សាច់ដុំ​ផ្ទៃមុខ ព្រោះ​ទារ​កនៅ​មិនទាន់​អាច​ញែក​អារម្មណ៍ល្អ ឬ​អាក្រក់​បាន​នៅឡើយ​ទេ។

 

ទារក​ក្នុងអំឡុង 2 – 5ខែ  ខណៈពេល​គេង​លក់​ទារក​នឹងមាន​អាការ​ខាង​ទឹកមុខ​ច្រើនយ៉ាង ដូចជា ទឹកមុខ​មាំ​ចង​ចិញ្ចើម ធ្វើ​មាត់​ជីប​អូចៗ និង​ញញឹម អាការ​ទាំងនេះ​មិនបាន​បណ្តាលមកពី​ការ​កំពុង​យល់សប្តិ ឬ​កំពុង​លេង​ជាមួយ​អ្នក​ឃុំគ្រង​ការពារ​ក្មេង​ក្នុង​សុបិន​នោះទេ តែ​គឺជា​វិវឌ្ឍនាការ​សាច់ដុំ​ផ្ទៃមុខ​របស់​ទារក​ទៅវិញ​ទេ។

 

 

ទារក​ក្នុងអំឡុង 6 ខែ​ឡើងទៅ  នឹង​ចាប់ផ្តើម​ចេះ​យល់សប្តិ​ហើយ ដោយសារតែ​ទារក​ក្នុង​វ័យ​នេះ​មើលឃើញ​បាន​ពេញទំហឹង​ហើយ ទើប​កើតមាន​ការចងចាំ​ទុក​យកទៅ​យល់សប្តិ ដោយ​ការ​យល់សប្តិ​របស់​ទារ​កវ័យ 6 ខែ​នេះ​នៅ​មិនទាន់​ពេញ​ជា​រឿង​ជា​រ៉ាវ​ដូច​មនុស្ស​ធំ​ទេ តែ​ជា​រូបភាព​ស្លៃ​ដ៍​បែប​មិនជា​ប់លាប់ និង​ទារ​កនៅ​មិនទាន់​យល់ដឹង​ថា នេះ​គឺជា​សុបិន​ឡើយ។

 

កូនតូច​ចូលចិត្ត​ញញឹម​ពេល​គេង​លក់ មិនមែន​ព្រោះ​កូន​កំពុង​លេង​ជាមួយ​អ្នក​ឃុំគ្រង​ការពារ​ក្មេង​ក្នុង​សុបិន​តាម​ជំនឿ​ដែល​យើង​ធ្លាប់​បានឮ​នោះទេ តែ​កើតចេញពី​វិវឌ្ឍនាការ​របស់​សាច់ដុំ​ផ្ទៃមុខ​ដូចដែល​បាន​រឿប​រាប់​ពី​ខាងលើ​រួចហើយ​ប៉ុណ្ណោះឯង ដូច្នេះ​លោកឪពុក​អ្នក​ម្តាយ​មិនចាំបាច់​ព្រួយ​កង្វល់​ឡើយ ព្រោះ​វិវឌ្ឍនាការផ្សេងៗនឹង​ហុច​ផល​ល្អ​ឱ្យ​កូន​ក្លាយជា​ក្មេង​ឆ្លាត​នាពេល​អនាគត៕