៣ចំណុច មនុស្ស​ស្រី​ស្ទើរ​គ្រប់រូប​តែង​យល់​ខុស​អំពី​ការ​រលូត​កូន

0

ការ​លូត​កូន គឺជា​រឿង​មួយ​ដ៏​គួរ​ឲ្យ​សោក​ស្តា​ត​បំផុត​សម្រាប់​ស្ត្រី​ដែលជា​ម្តាយ ហើយ​ក្រោយពី​ហេតុការណ៍​នេះ​កើតឡើងភ្លាមៗ ពួកគេ​តែងតែមាន​អារម្មណ៍​ក្រៀមក្រំ ឬ​គេង​យំ​សឹងតែ​រាល់​យប់។

 

មូលហេតុ​ដែល​ប​ណ្តោ​ល​ឲ្យ​រលូត​កូន ភាគច្រើន​បង្កឡើង​ដោយសារតែ​ស្ត្រី​មាន​ផ្ទៃពោះ មនា​សុខភាព​មិនល្អ ការឆ្លង​មេរោគ ការរង​បួ​រស​ដូចជា​ដួល អ្នក​ម្តាយ​ដែលមាន​អាយុ​ច្រើនពេក ស្បូន​មិនល្អ អតុល្យភាព​អ័រម៉ូន។ល។

ប៉ុន្តែ ចំពោះ​ការ​រលូត​កូន​នេះ ស្រីៗភាគច្រើន​តែងតែ​យល់​ខុស ៣ចំណុច៖

ចំណុច​ទី១

ភាគច្រើន​គិតថា បើ​ពួកគេ ឬ​នរណាម្នាក់​ធ្លាប់មាន​ប្រវត្តិ​រលូត​កូន​ម្តង​ហើយ ពួកគេ​ច្បាស់​ជា​លូត​ម្តង​ជាមិនខាន​ឡើយ។

តែ​នេះ​ជា​រឿង​ផ្ទុយ​ស្រលះ បើតាម​អ្នកជំនាញ​បានផ្តល់​អនុ​វ​សាសន៍​ថា បើ​ស្ត្រី​មាន​បញ្ហា​រលូត​កូន​ម្តង​ហើយ ហានិភ័យ​នៃ​ការ​រលូត​កូន​ជា​លើក​ទី​ពីរ មាន​តិចតួច​បំផុត។

 

 

ចំណុច​ទី២

នៅពេលដែល​ពួកគេ​មានការ​ហូរឈាម​អំឡុង​ពេល​មាន​ផ្ទៃពោះ ជា​សញ្ញា​នៃ​ការ​រលូត។ នេះ​មិនមែនជា​រឿង​ពិត​ឡើយ ការ​ហូរឈាម​តិចតួច​អំឡុងពេល​មាន​ផ្ទៃពោះ គឺជា​រឿង​ធម្មតា ជាពិសេស​នៅ​ត្រីមាស​ដំបូង។ លុះត្រាតែ​អាការ​ហូរឈាម​ធ្ងន់ធ្ងរ ហើយ​មាន​រយៈពេល​យូរ អ្នក​គួរតែ​ប្រញាប់​ទៅ​ពិគ្រោះ​ជាមួយ​គ្រូពេទ្យ​ជាបន្ទាន់។

ចំណុច​ទី៣

ស្ទើរតែ១០០ភាគរយ​យល់ថា យ៉ាងតិច​បំផុត​ត្រូវ​ចំណាយពេល ៣ ទៅ ៦ខែ បន្ទាប់ពី​ការ​រលូត​ទើប​អាច​មានកូន​ម្តងទៀត។ ប៉ុន្តែ ការសិក្សា​ថ្មី​នេះ​បាន​បង្ហាញថា វា​មិនមាន​គ្រោះថ្នាក់​នោះ​សម្រាប់​មនុស្ស​ស្រី​ក្នុង​ការយក​កូន​ម្តងទៀត ក្រោយពី​ការ​រលូត​បាន​រយៈពេល ១ខែ ក្នុងករណី​ដែល​នាង​បាន​ត្រៀមខ្លួន និង​អារម្មណ៍​រួចរាល់​ហើយ។

ទោះជា​យ៉ាងណា ក្រោយពេល​រលូត ស្ត្រី​គួរតែ​ពិនិត្យ​តាមដាន​សុខភាព​ឲ្យ​បាន​ទៀងទាត់ ដើម្បី​ជៀសវាង​ហានិភ័យផ្សេង៕