គួរឈប់ហាត់ប្រាណដែរទេ ពេលមានផ្ទៃពោះ?

0

នៅពេលដែលពោះរបស់អ្នកកាន់តែធំ រាងកាយត្រូវទទួលរងនូវបន្ទុកកាន់តែខ្លាំង ហើយអ្នកម្តាយអាចប្រឈមនឹងអាការៈហើមជើង កជើង ឈឺខ្នងចង្កេះ និងមានអារម្មណ៍អស់កម្លាំងច្រើន។ ហេតុនេះ អ្នកត្រូវសម្រាកឲ្យបានច្រើន គឺជាវិធីដ៏ល្អបំផុត។

 

 

 

ប៉ុន្តែបើយោងតាមក្រុមអ្នកជំនាញបានបង្ហាញថា ប្រសិនបើអ្នកមានទម្លាប់ធ្វើលំហាត់ប្រាណពីមុនមក គួរតែអនុវត្តបន្តទៀត បើទោះបីជាមានផ្ទៃពោះ ត្រីមានទី ៣ ឬក៏ទី៤ក៏ដោយ គ្រាន់តែអ្នកត្រូវកំណត់រយៈពេលធ្វើលំហាត់ប្រាណឲ្យបានច្បាស់។

ការធ្វើលំហាត់ប្រាណតាមបែបយូហ្គា ឬការធ្វើលំហាត់ប្រាណស្រាលៗដូចជាដើរ បានទៀងទាត់ អាចជួយឲ្យកូនកើតមកបានស្រួល។

 

 

ទោះជាយ៉ាងណា ក្នុងករណីដែលអ្នកកំពុងតែកើតមានបញ្ហាមួយចំនួន ដូចជា៖ វិលមុខ ឈឺក្បាល ឈឺដើមទ្រូង ពិបាកដកដង្ហើម ហូរឈាមចេញពីទ្វារមាស គួរតែផ្អាកធ្វើលំហាត់ប្រាណភ្លាម៕

 

ឈប់​ស្លៀកខោ​ខូវ​ប៊ូ​យ​ទៀត បើ​អ្នកមាន​ផ្ទៃពោះ

ទោះបីជា​ខោ​ខូវ​ប៊ូ​យ ពិតជា​ពេញនិយម​សម្រាប់​យុវវ័យ​សម័យនេះ​ក៏ដោយ ក៏ប៉ុន្តែ​វា​មិន​សាក​សម​សម្រាប់​ស្ត្រី​មាន​ផ្ទៃពោះ​ឡើង ព្រោះ​វា​អាច​បង្ក​គ្រោះថ្នាក់​ដល់​ម្តាយ និង​ទារក​កំពុងតែ​លូតលាស់។

អ្នក​ត្រូវ​ដឹងថា អំឡុងពេល​មាន​ផ្ទៃពោះ​ស្បូន​ត្រូវ​ទទួលរង​នូវ​សម្ពាធ​ជាច្រើន​រួចមកហើយ ដើម្បី​ការពារ​ទារក​ពី​ការឈឺចាប់ផ្សេងៗ ប៉ុន្តែ​ប្រសិនបើ​អ្នក​ស្លៀកខោ​ខូវ​ប៊ូ​យ នៅពេលនេះ​ទៀត ស្បូន​នឹង​ទទួល​សម្ពាធ​កាន់តែខ្លាំង ហើយ​ធ្វើ​ឲ្យ​រាំងស្ទះ​ដល់​ចរាចរ​ឈាម​ពី​ម្តាយ ទៅកាន់​ទារក។

 

 

នេះហើយ​ជាហេតុ​ផល​ដែល​អាចធ្វើ​ទារក ប្រឈម​នឹង​គ្រោះថ្នាក់​កាន់តែ​ខ្ពស់ ជាពិសេស អំឡុងពេល​ពពោះ ត្រីមាស​ទី២ និង​ទី៣ តែម្តង។

ម្យ៉ាងវិញទៀត អំឡុង​ពេលនេះ​ឱកាស​នៃ​ការឆ្លង​មេរោគ​ផ្សិត​ទៅ​ទ្វារមាស ក៏​កាន់តែ​ខ្ពស់​ដែរ​សម្រាប់​ស្ត្រី​មាន​ផ្ទៃពោះ ដែល​ស្លៀក​រឹប​ចង្អៀត។ ដូច្នេះ សូម​ទុក​ខោ​ខូវ​ប៊ូ​យ​ម្តុំ​សិន ហើយ​ព្យាយាម​ស្លៀក​រ៉ូ​ប​ដែលរលុងៗ ជំនួស​វិញ ទើប​មាន​ផាសុខភាព​ទាំង​ម្តាយ និង​ទារក៕