នៅពេលដែលកូនរបស់អ្នកមានបញ្ហាផ្លូវដង្ហើម ដូចជាក្អក ឬផ្តាសាយ ឪពុកម្តាយគ្រប់រូបតែងតែនាំកូនទៅមន្ទីរពេទ្យដើម្បីទទួលថ្នាំតាមវេជ្ជបញ្ជា ក៏ប៉ុន្តែចុះប្រសិនបើអ្នកនៅឆ្ងាយពីមន្ទីរពេទ្យ ឬនៅពេលយប់ប្រលប់ តើគួរធ្វើយ៉ាងណា?
បើយោងតាមគេហទំព័រ boldsky បានបង្ហាញថា ខ្ទឹមស គឺជាថ្នាំអង់ទីប៊ឺយោទិក ដែលគេប្រើសម្រាប់ព្យាបាលជំងឺមួយចំនួនអស់រយៈពេល ៣០០០ឆ្នាំមកហើយ ជាពិសេសវត្តមាននៃសារធាតុ Allicin មានវិសាលភាពធំធេងខ្លាំងណាស់សម្រាប់សុខភាព។ មិនត្រឹមតែជំងឺសម្រាប់ក្មេងៗនោះទេ សូម្បីតែមនុស្សពេញវ័យដែលមានជំងឺក្អក ឬផ្តាសាយក៏អាចព្យាបាលបានដែរ។
របៀបអនុវត្ត៖
១.នៅពេលដែលកូនៗរបស់អ្នកមានរោគសញ្ញាក្អក ឬផ្តាសាយសូមយកខ្ទឹមសស្រស់ៗចំនួនពីរកំពឹស បុកឲ្យម៉ត់។
២.រួចបន្ថែមចូលទៅក្នុងរបបអាហារឲ្យពួកគេទទួលទានជាប្រចាំថ្ងៃ។
៣.ក្រោយពេលទទួលទានបានមួយថ្ងៃ រោគសញ្ញានៃកាត់បន្ថយភ្លាមៗ
ត្រូវចាំថា មួយថ្ងៃឲ្យកូនរបស់លោកអ្នកទទួលទានតែពីរកំពឹសបានហើយ ហើយវិធីមួយនេះត្រូវបានគេទទួលស្គាល់ថាពិតជាមានប្រសិទ្ធភាពបំផុតក្នុងការកាត់បន្ថយអាការក្អក និងផ្តាសាយ៕
ស្មានមិនដល់ទេ! ស្លឹកអម្ពឹល និងខ្ទឹមក្រហម អាចព្យាបាលជំងឺផ្តាសាយទារកភ្លាមៗ
គ្រាន់តែលឺថាស្លឹកអម្ពឹល និងខ្ទឹមក្រហម ជាឱសថសម្រាប់ព្យាបាលជំងឺគ្រុនផ្តាសាយសម្រាប់ទារក ម្នាក់ប្រហែលជាឆ្ងល់ហើយ ក៏ប៉ុន្តែបើយោងតាមគេហទំព័រ rak sukapap បានបង្ហាញថា ធាតុផ្សំទាំងពីរមុខនេះ មិនត្រឹមតែអាចជួយព្យាបាល និងការពារជំងឺគ្រុនផ្តាសាយសម្រាប់ទារកប៉ុណ្ណោះទេ វាថែមទាំង បណ្តេញស្លេស សម្រួលដល់ផ្លូវដង្ហើម ជំនួយដល់ការរំលាយ បន្ថយអាការហើម ដោះស្រាយបញ្ហារលាក និងជួយរក្សាកម្តៅក្នុងរាងកាយទារកបានថែមទៀត។
របៀបប្រើប្រាស់៖
១.សូមបេះស្លឹកអម្ពឹលស្រស់ៗចំនួនមួយក្តាប់ និងខ្ទឹមក្រហមមួយមើមដំឲ្យបែក ដាក់ចូលទៅក្នុងឆ្នាំងមួយ។
២.ចាក់ទឹកមួយផ្ទឹលចូល រូចដាំឲ្យពុះ សឹមលើកចុះ។
៣.នៅពេលទឹកថយកម្តៅឧណ្ឌៗ សូមងូតឲ្យទារក (ប៉ុន្តែត្រូវប្រាដកថាទឹកមិនក្តៅខ្លាំងពេកនោះទេ)។
៤.សូមអនុវត្តវិធីនេះមួយថ្ងៃពីរដង គឺពេលព្រឹក និងពេលល្ងាច អាការៈជំងឺនឹងធូរស្រាលភ្លាម៕
