ត្រូវ​ចាំ! ប្រញាប់​នាំ​កូន​ទៅ​ពេទ្យ​ភ្លាម បើ​ពួកគេ​រាក​ហើយ​មាន​រោគសញ្ញា​បែបនេះ

0

ជំងឺរាក គឺជា​ជំងឺ​ទូទៅ​បំផុត​ចំពោះ​កុមារ ដែល​ប​ណ្តោ​ល​មកពី​មូលហេតុផ្សេងៗដូចជា ការឆ្លង​មេរោគ បាក់តេរី និង​ប៉ារ៉ាស៊ីត​ក្នុង​ពោះវៀន។ ជំងឺរាក​ក៏​អា​ចប​ណ្តោ​ល​មកពី​ការ​ទទួលទាន​អាហារ​មិន​ត្រឹមត្រូវ ដូចជា ការផ្លាស់ប្តូរ​អាហារ​ថ្មីភ្លាមៗ អាហារ​ពិបាក​រំលាយ ការទទួល​ទាន​ច្រើន​ហួសប្រមាណ ឬ​ផលប៉ះពាល់​នៃ​ការប្រើ​ថ្នាំ​អង់​ទី​ប៊ឺ​យោ​ទិ​ក​មួយចំនួន។

 

 

អ្នកជំនាញ​បាន​ណែនាំ​ថា នៅពេលដែល​កុមារ​កើត​ជំងឺរាក ហើយ​អម​ទៅដោយ​រោគសញ្ញា​មួយចំនួន ឪពុកម្តាយ​ត្រូវ​នាំ​ពួកគេ​ទៅ​មន្ទីរពេទ្យ​ភ្លាម។

១.កុមារ​ចូល​បង្គន់​ញឹក

២.ក្អួតម្តងៗ ហើយ​ញ៉ាំ​អាហារ​មិន​ចូល

៣.ក្តៅខ្លួន​ខ្លាំង

៤.ផឹកទឹក​ញឹកញាប់ ហើយ​ច្រើន

៥.បរិភោគ​អាហារ ឬ​បៅដោះ​តិច

៦.កុមារ​មិនបាន​ធូរស្រាល បន្ទាប់ពី​ធ្វើការ​ព្យាបាល​នៅផ្ទះ ២ថ្ងៃ៕

 

 

ឈប់​ធ្វើ​រឿង​មួយ​នេះ​ចំពោះ​ទារក​ទៀត បើ​មិន​ចង់​ឲ្យ​ពួកគេ​ខូច​ប្រព័ន្ធ​ប្រសាទ

ជាទូទៅ​ឪពុកម្តាយ​ភាគច្រើន តែងតែ​ប្រើ​ប្រេងកូឡា លាប​នៅលើ​បង្ហើយ​ទារក​ដែល​ទើបនឹង​កើត ព្រោះ​យល់ថា ការធ្វើ​បែបនេះ​អាចជួយ​ឲ្យ​កូន​របស់​ពួកគេ​ដកដង្ហើម​បាន​ស្រួល។ ប៉ុន្តែ ទង្វើ​បែបនេះ​មិនត្រូវ​បានផ្តល់​អនុសាសន៍​ដោយ​អ្នកជំនាញ​ឡើយ ហើយ​មនុស្ស​ភាគច្រើន​ធ្វើ​តាមតែ​គ្នា​ប៉ុណ្ណោះ ដោយ​មិនដឹង​ពី​ផលប៉ះពាល់​ឡើយ។

តាម​ការបកស្រាយ​រប​ស់លោក​វេជ្ជបណ្ឌិត ប៉ែន កក្ត​ដា បានបង្ហាញ​នៅលើ​ប​ណ្តោ​ញ​សង្គម​របស់ខ្លួន​ថា ទម្លាប់​យក​ប្រេងកូឡា មក​លាប​នៅលើ​បង្ហើយ​ទារក អាច​បង្ក​គ្រោះថ្នាក់​ជាច្រើន​ដូចជា ធ្វើ​ឲ្យ​កោសិកា​ប្រសាទ​របស់​ទារក​ត្រូវ​រង​នូវ​ការខូចខាត ទារក​ក្លាយជា​មនុស្ស​ល្ងង់​រៀន​មិនចេះ​នៅ​ថ្ងៃ​នៅ​ពួកគេ​ធំ​ឡើង ប​ណ្តោ​ល​ឲ្យ​ក​កើតជា​ក្អែលខ្មៅៗដែល​គេ​ហៅថា​អាចម៍ក្របី ហើយ​ធ្វើ​ឲ្យ​កូន​យំ​ដោយសារតែ​ការ​រមាស់។

 

 

វេជ្ជបណ្ឌិត​បានបង្ហាញ​ថា ក្រោយពេល​កើតមក​ភ្លាម ឪពុកម្តាយ​មួយចំនួន​មិន​ហ៊ាន​ប៉ះ​បង្ហើយ​កូន​នោះទេ ហើយ​សូម្បីតែ​កក់​សាប៊ូ​ក៏​មិន​ហ៊ាន​ដែរ ដោយសារតែ​ខ្លាច​គ្រោះថ្នាក់។ ប៉ុន្តែ​រឿង​ម្យ៉ាង​ដែល​ពួកគេ​ហ៊ាន​ទាំង​មិនមាន​ការផ្តល់​យោបល់​ពី គ្រូពេទ្យ គឺ​យក​ប្រេងកូឡា លាប​លើ​បង្ហើយ ទាំង​មិនដឹងថា​វា​មាន​ផ្ទុក​សារធាតុ​អ្វីដែល​ខ្លះ ដែល​បង្ក​ឲ្យ​មាន​ផលប៉ះពាល់​នោះឡើយ។

ចុងក្រោយ​លោក​វេជ្ជបណ្ឌិត បាន​បន្ថែមទៀតថា គ្រាន់តែ​ចង់​ឲ្យ​កូន​ដកដង្ហើម​បាន​ស្រួល អ្នក​មិនចាំបាច់​ប្រើ​ប្រេងកូឡា លាប​នៅលើ​បង្ហើយ​ទារក​នោះទេ៕