កាលពីពេលថ្មីៗនេះមានករណីដ៏គួរឲ្យបារម្ភមួយដែលបង្កឡើងដោយសារមេរោគម្យ៉ាងមានឈ្មោះថា Herpes Simplex Virus (HsV-1) ត្រូវបានបញ្ចូនទៅកាន់ទារកដែលទើបនឹងកើនយ៉ាងងាយ តាមរយៈការថើបមាត់។
នេះហើយជាមូលហេតុដែលក្រុមអ្នកជំនាញធ្វើការព្រមានដល់អាណាព្យាបាលគ្រប់រូប មិនគួរអនុវត្តឲ្យអ្នកណាម្នាក់ថើបទារកដែលមានអាយុក្រោម ៣ខែឡើយ។ ដោយសារតែជំងឺនេះ មានសមត្ថភាពអាចឆក់យកជីវិតទារកតូចៗបាន ហើយអ្នកជំនាញនៅសាលកវិទ្យាល័យ Maryland’s Medical Center បានបបង្ហាញថា ភាគរយនៃជនជាតិអាមេរិកបានឆ្លងជំងឺនេះ រហូតដល់ ៩០ភាគរយឯណោះ។
ក្រៅពីការថើប មេរោគនេះ អាចឆ្លងទៅកុមារតាមរយៈ កែវទឹក ឬប្រដាប់ប្រដាល់ក្មេងលេង ខណៈដែលការឆ្លងភ្លាមៗមិនបង្កគ្រោះថ្នាក់នោះទេ តែទារកអាចនឹងស្លាប់ប្រសិនបើវារីករាដាល។
អ្នកជំនាញបានបង្ហាញទៀតថា ជំងឺនេះអាចឆ្លងចូលទៅក្នុងខួរក្បាលរបស់ទារក ព្រមទាំងសរីរាង្គផ្សេងៗ ដែលបង្កឲ្យមានការឈឺចាប់ធ្ងន់ធ្ងរ និងស្លាប់។ ហេតុនេះហើយ ឪពុកម្តាយគ្រប់រូបគួរតែប្រុងប្រយ័ត្នចំពោះក្មេងអាយុក្រោម ៣ខែ មិនត្រូវឲ្យអ្នកណាថើបមាត់ផ្តេសផ្តាស់ ឬលេងរបស់លាយឡំជាមួយនឹងក្មេងដទៃឡើយ៕
ឈប់ធ្វើរឿងមួយនេះចំពោះទារកទៀត បើមិនចង់ឲ្យពួកគេខូចប្រព័ន្ធប្រសាទ
ជាទូទៅឪពុកម្តាយភាគច្រើន តែងតែប្រើប្រេងកូឡា លាបនៅលើបង្ហើយទារកដែលទើបនឹងកើត ព្រោះយល់ថា ការធ្វើបែបនេះអាចជួយឲ្យកូនរបស់ពួកគេដកដង្ហើមបានស្រួល។ ប៉ុន្តែ ទង្វើបែបនេះមិនត្រូវបានផ្តល់អនុសាសន៍ដោយអ្នកជំនាញឡើយ ហើយមនុស្សភាគច្រើនធ្វើតាមតែគ្នាប៉ុណ្ណោះ ដោយមិនដឹងពីផលប៉ះពាល់ឡើយ។
តាមការបកស្រាយរបស់លោកវេជ្ជបណ្ឌិត ប៉ែន កក្តដា បានបង្ហាញនៅលើបណ្តោញសង្គមរបស់ខ្លួនថា ទម្លាប់យកប្រេងកូឡា មកលាបនៅលើបង្ហើយទារក អាចបង្កគ្រោះថ្នាក់ជាច្រើនដូចជា ធ្វើឲ្យកោសិកាប្រសាទរបស់ទារកត្រូវរងនូវការខូចខាត ទារកក្លាយជាមនុស្សល្ងង់រៀនមិនចេះនៅថ្ងៃនៅពួកគេធំឡើង បណ្តោលឲ្យកកើតជាក្អែលខ្មៅៗដែលគេហៅថាអាចម៍ក្របី ហើយធ្វើឲ្យកូនយំដោយសារតែការរមាស់។
វេជ្ជបណ្ឌិតបានបង្ហាញថា ក្រោយពេលកើតមកភ្លាម ឪពុកម្តាយមួយចំនួនមិនហ៊ានប៉ះបង្ហើយកូននោះទេ ហើយសូម្បីតែកក់សាប៊ូក៏មិនហ៊ានដែរ ដោយសារតែខ្លាចគ្រោះថ្នាក់។ ប៉ុន្តែរឿងម្យ៉ាងដែលពួកគេហ៊ានទាំងមិនមានការផ្តល់យោបល់ពី គ្រូពេទ្យ គឺយកប្រេងកូឡា លាបលើបង្ហើយ ទាំងមិនដឹងថាវាមានផ្ទុកសារធាតុអ្វីដែលខ្លះ ដែលបង្កឲ្យមានផលប៉ះពាល់នោះឡើយ។
ចុងក្រោយលោកវេជ្ជបណ្ឌិត បានបន្ថែមទៀតថា គ្រាន់តែចង់ឲ្យកូនដកដង្ហើមបានស្រួល អ្នកមិនចាំបាច់ប្រើប្រេងកូឡា លាបនៅលើបង្ហើយទារកនោះទេ៕
