មនុស្សជាច្រើនគិតថា មានតែមនុស្សពេញវ័យប៉ុណ្ណោះដែលមានជំងឺក្រួសក្នុងតម្រងនោម ដោយសារតែជំងឺនេះកើតឡើងជាធម្មតានៅវ័យ ៣៥ទៅ ៦០ឆ្នាំ។ ប៉ុន្តែការពិត កុមារតូចៗ ក៏អាចកើតមានជំងឺនេះដូចគ្នាដែរ។
មានមូលហេតុជាច្រើននៃជំតឺតម្រងនោមចំពោះកុមារ គឺដោយសារតែបញ្ហាមេតាប៉ូលីស ដូចជំងឺអង់ស៊ីម និងកើតជំងឺតម្រងនោម។ សព្វថ្ងៃនេះ កុមារដែលទទួលទានអំបិលច្រើន ផឹកទឹកតិច និងខ្ជិលហាត់ប្រាណ ក៏បង្កឲ្យមានការវិវត្តនៃជំងឺក្រួសក្នុងតម្រងនោមយ៉ាងឆាប់រហ័ស ជាពិសេសចំពោះកុមារដែលមានបញ្ហាមេតាប៉ូលីស។
លើសពីនេះទៅទៀត កុមារជាញឹកញាប់មានការឆ្លងមេរោគលើផ្លូវបង្ហូរនោម ភាពមិនប្រក្រតីនៃការថយចុះនៃបំពង់ទឹកនោម(ការរួមតូចនៃបំពង់តម្រងនោម) ធ្វើឲ្យឱកាសនៃក្រួសកើតមានឡើង។
រោគសញ្ញាទូទៅនៃក្រួសក្នុងតម្រងនោម គឺការឈឺចាប់នៅត្រង់ត្រគាក នោមតិច ចង្អោរ ស្លេកស្លាំង និងបែកញើសច្រើន។ សម្រាប់កុមារ ដែលមានប្រវត្តិគ្រួសារ ក៏ប្រឈមនឹងជំងឺនេះដែរ។
ដូច្នេះ ប្រសិនបើអ្នកសង្ស័យថា កូនរបស់អ្នកមានសភាពដូចខាងលើ ត្រូវប្រញាប់នាំពួកគេទៅជួបអ្នកឯកទេសដើម្បីពិគ្រោះយោបល់ និងព្យាបាលជាបន្ទាន់៕
