ដើម្បីឲ្យកូនមានសុខភាពល្អ និងមានការលូតលាស់ត្រូវតាមស្តង់ដារ ឪពុកម្តាយគ្រប់រូបត្រូវតែដឹងពីរបបអាហារដែលត្រូវផ្តល់ឲ្យកូនទៅតានដំណាក់កាលនីមួយ។ ម្យ៉ាងវិញទៀត អ្នកមិនត្រូវផ្តល់អាហារដដែលៗនោះទេ ព្រោះវាអាចធ្វើឲ្យកូនរបស់អ្នកធំ និងមិនចង់ញ៉ាំឡើយ។ ដូច្នេះនៅពេលកូនរបស់អ្នកមានអាយុ ៧ខែឡើងទៅ គួរតែផ្តល់អាហារទាំងប៉ុន្មានប្រភេទនេះ។
១.ចំហុយផ្លែសារី និង Raspberries
ដំបូងអ្នកត្រូវយកផ្លែសារីមួយផ្លែចិនសំបកចេញ ហើយកាត់ជាកង់ៗទៅចំហុយឲ្យឆ្អិនល្អ។ ក្រោយមកយកផ្លែសារី នេះទៅលាយជាមួយផ្លែ Raspberries ៣ទៅ៤ផ្លែ ក្រឡុកឲ្យក្លាយទៅជាល្បាយ។ អ្នកអាចបញ្ចុកកូនតាមលទ្ធលភាពដែលអាចធ្វើទៅបាន ចំណែកឯល្បាយដែលនៅសល់ អ្នកអាចទុកក្នុងទូទឹកកកបាន ៣ថ្ងៃ។
២.ចេកទុំ ផ្លែប៉ោម និងម្សៅស្រូវសាលី
អ្នកត្រូវយកចេកមួយផ្លែ ផ្លែប៉ោមមួយចំហៀង ហាន់ជាចំណិតតូចៗ រួចយកទៅចំហុយ។ បន្ទាប់មកយកចេក ផ្លែប៉ោម ដែលចំហុយ ទៅលាយជាមួយនឹងសម្សៅស្រូវសាលី ហើយក្រឡុកឲ្យរលាយចូលគ្នា(អ្នកអាចបន្ថែមទឹកដោះគោ១ស្លាបព្រា)។ អាហារមួយប្រភេទនេះ អាចរក្សាទុកក្នុងទូរទឹកកកបាន ៤ថ្ងៃ ប្រសិនបើកូនរបស់អ្នកញ៉ាំមិនអស់៕
