តើដឹងហើយថា កូនកើតមកបញ្ជ្រាស់ពិតជាពិបាកខ្លាំងណាស់សម្រាប់ស្ត្រីមានផ្ទៃពោះ ព្រោះពួកគេនឹងមានការឈឺចាប់ខ្លាំង ហើយករណីមួយចំនួនអាចកើតមិនចេញតែម្តង។ តើកូនដែលស្ថិតនៅក្នុងទីតាំងបញ្ជ្រាសត្រូវតែវះកាត់ទាំងអស់មែនទេ? មិនមែនកូនបញ្ជ្រាសត្រូវតែធ្វើការវះកាត់ទាំងអស់នោះទេ ក្នុងករណីមួយចំនួនស្ត្រីនៅតែអាចសម្រាលតាមវិធីធម្មជាតិដដែល ដោយមានជំនួយពីគ្រូពេទ្យ។
១.អ្នកម្តាយមិនធាត់ខ្លាំង និងមានត្រគាកធំទូលាយ (ត្រគាកសាយ)
២.អ្នកម្តាយមិនមានប្រវត្តិវះកាត់សម្រាលកូនពីមុនមក
៣.អ្នកម្តាយមិនមានជំងឺប្រចាំកាយ ដែលគ្មានកម្លាំងប្រឹងពេលសម្រាល
៤.សុកស្ថិតក្នុងទីតាំងត្រឹមត្រូវ មិនបាំងមាត់ទ្វារមាស
៥.ម្តាយម្តាយមិនដែលមានបញ្ហា ពេលសម្រាលកូនមុនៗ
៦.ទារកមានទម្ងន់ចន្លោះពី ២,៥ ទៅ ៣ គីឡូក្រាម
៧.ក្បាលទារកមិនធំខ្លាំង និងមិនងើយខ្លាំង
៨.ទារកមានសុខភាពល្អ មិនទន់ខ្សោយ
៩.ទារកគ្រប់ខែត្រឹមត្រូវ
១០.មិនបែកទឹកភ្លោះយូរ មុនពេលឈឺពោះ
ប្រសិនបើ កូនបញ្ជ្រាស ស្ថិតក្នុងករណីពិបាកសម្រាល ឬសម្រាលមិនកើតទេ ក្រុមគ្រូពេទ្យច្បាស់ជាប្រើវិធីវះកាត់ ដូច្នេះអ្នកមិនចាំបាច់ព្រួបារម្ភឡើយ៕
មូលហេតុដែលធ្វើឲ្យកូនកើតបញ្ជ្រាស់
ជាធម្មតានៅពេលដែលជិតគ្រប់ខែ ទារក្នុងផ្ទៃនឹងបង្វិលក្បាលចុះមកក្រោម ដើម្បីត្រៀមខ្លួនរុញច្រានចេញមកក្រៅតាមរយៈទ្វារមាស។ ក៏ប៉ុន្តែប្រសិនបើជិតដល់ថ្ងៃកើតហើយ ទារកនៅតែមិនបង្វិលក្បាលចុះ ឬនៅទទឹងពោះ អ្នកម្តាយច្បាស់ជាពិបាកក្នុងការបង្កើត ឬបង្កើតមិនចេញឡើយ។ ក្នុងករណីនេះ ត្រូវការជំងឺពីក្រុមគ្រូពេទ្យជំនាញ ឬធ្វើការវះកាត់ ប្រសិនបើចាំបាច់។
ប៉ុន្តែតើមូលហេតុអ្វីទៅដែលបណ្តោលឲ្យកូនកើតមកបញ្ជ្រាស? តាមពិតកូនកើតមកបញ្ជ្រាស បង្កឡើងដោយសារតែមូលហេតុមួយចំនួនដូចខាងក្រោម៖
កូនកើតមិនគ្រប់ខែ
កូនភ្លោះ
ទារកក្នុងផ្ទៃវិវត្តមិនគ្រប់លក្ខខណ្ឌ
ទឹកភ្លោះច្រើនជ្រុល ឬតិចជ្រុល
សុកបាំងមុខស្បូន ឬទងសុករុំ ក ទារក
អ្នកម្តាយមានដុំសាច់ក្នុងស្បូន ឬដៃស្បូន
ម្តាយមានឆ្អឹតត្រគាតមិនប្រក្រតី
អ្នកដែលមានកូនច្រើនដងពេក…
ដូច្នេះ ដើម្បីចង់ដឹងថាកូនរបស់អ្នកបង្វិលក្បាលចុះក្រោមហើយឬនៅ អ្នកគួរតែទៅអេកូសាស្ត្រឲ្យបានទៀងទាត់ ដើម្បីបង្ការហានិភ័យផ្សេងៗទាំងម្តាយ និងកូននៅពេលកើត៕
