កុំ​សាង​កំហុស២យ៉ាងនេះ នៅពេល​ងូតទឹក​ឲ្យ​ទារក

0

កា​រងូ​ទឹក​ឲ្យ​ទារក គឺជា​កិច្ចការ​ដ៏​សំខាន់បំផុត​ដែល​អាណាព្យាបាល​ទាំងឡាយ​គួរតែ​យកចិត្តទុកដាក់​ឲ្យ​បាន​ខ្លាំង​បំផុត ព្រោះ​វា​អាចជួយ​សម្អាត​ភាពកខ្វក់​ចេញពី​រាងកាយ​ទារក តែ​វា​ក៏​អាច​បង្ក​គ្រោះថ្នាក់​ដល់​ទារក​វិញ​ផងដែរ ប្រសិនបើ​អ្នកអនុវត្ត​មិនបាន​ត្រឹមត្រូវ។ ខាងក្រោម​នេះ គឺជា​រឿង២យ៉ាង ដែល​ឪពុកម្តាយ​ទាំងអស់​គួរតែ​ជៀសវាង​នៅពេល​ងូតទឹក​ឲ្យ​កូន៖

 

 

១.ងូតទឹក​ត្រជាក់​ពេក ឬ​ក្តៅ​ពេក

ការ​ងូតទឹក​ដែលមាន​សីតុណ្ហភាព​ក្តៅ ឬ​ត្រជាក់​ពេក អាច​បង្ក​ឲ្យ​មាន​បញ្ហា​ធ្ងន់ធ្ងរ​បំផុត​ដល់​ស្បែក និង​សុខភាព​របស់​ទារក។ ហេតុនេះ​សីតុណ្ហភាព​ដែល​ត្រឹមត្រូវ​បំផុត​សម្រាប់​ទារក គឺ ៣៧អង្សា​សេ វា​ស្មើនឹង​សីតុណ្ហភាព​នៃ​រាងកាយ​ដែរ។ ម្យ៉ាងវិញទៀត អ្នក​មិនត្រូវ​ប្រើ​ទឹក​ដែ​មាន​សីតុណ្ហភាព​ទាប​ជាង ៣៦ ឬ​លើសពី ៤០អង្សា​សេ​ឡើយ ហើយ​ដើម្បី​កាន់តែ​ជាក់ច្បាស់​អ្នក​គួរតែ​ប្រើ ទែ​ម៉ូ​ម៉ែត្រ សម្រាប់​ស្ទង់កម្តៅ។

 

២.ទម្លាប់​ងូតទឹក​ឲ្យ​ទារក​យូរពេក

ទារក​មាន​សុខភាព​ទន់ខ្សោយ​ណាស់ ហើយ​ពួកគេ​ក៏​មិនអាច​ទ្រាំទ្រ​ជាមួយនឹង​បរិ​យា​សា​ខាងក្រៅ​បានយូរ​ដែរ ជាពិសេស​ការ​ងូតទឹក​តែម្តង។ ការ​ត្រាំ​ង​ទឹក​យូរ អា​ចប​ណ្តោ​ល​ឲ្យ​ក្រចកដៃ ក្រចកជើង​ទារក​មាន​ភាព​ផុត​ស្រួល និង​ប៉ះពាល់​ដល់​សុខភាពផ្សេងៗដូចជា ងាយ​នឹង​ផ្តាសាយ​ជាដើម។ ក្រុម​អ្នកជំនាញ​បាន​ណែនាំ​ថា ពេលវេលា​ងូ​ទឹក​ដ៏​ត្រឹមត្រូវ​បំផុត​សម្រាប់​ទារក គឺ​មិនគួរ​លើសពី ២នាទី​ឡើយ ក៏ប៉ុន្តែ​សម្រាប់​មនុស្ស​ចាស់​អាច​ត្រាំ​ទឹក​រហូតដល់​កន្លះ​ម៉ោង៕

 

 

ដាច់ខាត!ហាម​ងូតទឹក​ឲ្យ​ទារក បើ​ស្ថិតក្នុង​លក្ខខណ្ឌ៣យ៉ាងនេះ

ការ​ងូតទឹក មួយថ្ងៃ​ពីរដង​គឺជា​ទម្លាប់​ដ៏​ល្អ​បំផុត​សម្រាប់​សុខភាព ព្រោះ​វា​អាចជួយ​សម្អាត​ភាពកខ្វក់ រួមទាំង​បាក់តេរីផ្សេងៗដែល​តោង​នៅលើ​ផ្ទៃ​ស្បែក។ ក៏ប៉ុន្តែ​ក្នុងករណី​មួយចំនួន អ្នក​មិនគួរ​ប្រញាប់​ងូតទឹក​ឲ្យ​កុមារ​ឡើយ ព្រោះ​វា​អាចធ្វើ​ឲ្យ​រាងកាយ​ពួកគេ​មានប្រតិកម្ម និង​គ្រោះថ្នាក់​ដល់​ជីវិត​បាន។ ជាពិសេស បើ​ទារក​ស្ថិតក្នុង​លក្ខខណ្ឌ៣យ៉ាងនេះ អ្នក​ពុំគួរ​ងូតទឹក​ឲ្យ​ពួកគេ​ឡើយ។

 

 

ពេល​ទារក​ឃ្លាន ឬ​ទទួលទាន​ឆ្អែត​ពេក

ការ​ងូតទឹក​នៅពេលដែល​ទារក​កំពុងតែ​ឃ្លាន​ខ្លាំង អា​ចប​ណ្តោ​ល​ឲ្យ​កម្រិត​ជាតិ​ស្ករ​នៅក្នុង​ឈាម​កើន​ឡើងជា​អបប្បរមា។ ជាពិសេស​ការ​ងូតទឹក​ក្តៅ អា​ចប​ណ្តោ​ល​ឲ្យ​សរសៃឈាម​រីក​ធំ ខ្សោយ​ខួរក្បាល វិលមុខ ព្រិល​ភ្នែក ដួលសន្លប់ ហើយ​អាច​គ្រោះថ្នាក់​ដល់​ជីវិត។

ចំពោះ​ការ​ងូតទឹក​នៅពេលដែល​ទារក​ញ៉ាំ​ឆ្អែត​ពេក អាច​កាត់បន្ថយ​ការ​ផ្គត់​ផ្គង​ឈាម​ទៅកាន់​ស្បែក សាច់ដុំ ក្រពះ ដែល​នាំ​ឲ្យ​មាន​ផលប៉ះពាល់​ដល់​ការរំលាយ​អាហារ និង​ការ​ស្រូប​អាហារ។ លទ្ធផល កុមារ​នឹងខ្វះ​សារធាតុចិញ្ចឹម ហើយ​ប​ណ្តោ​ល​ឲ្យ​មានប្រតិកម្ម​អវិជ្ជមាន​ដល់​សុខភាព។

 

 

ពេល​ទារក​កំពុង​បែកញើស

នៅពេលដែល​ទារក​កំពុងតែ​លេង ឬ​ធ្វើ​សកម្មភាព​ខ្លាំង រាងកាយ​នឹង​បញ្ចេញ​ញើស​ច្រើន ហេតុនេះ​ពួកគេ​ត្រូវការ​សម្រាក​សិន ដើម្បី​កាត់បន្ថយ​សីតុណ្ហភាព​នៅក្នុង​រាងកាយ។

ការធ្វើ​ចលនា​រាងកាយ អាចជួយ​លើ​កម្ពស់​ដល់​លំ​ហូរឈាម​ទៅកាន់​សាច់ដុំ និង​បេះដូង ប៉ុន្តែ​ប្រសិនបើ​អ្នក​ងូតទឹក​ឲ្យ​ពួកគេភ្លាមៗ វា​នឹង​ប​ណ្តោ​ល​ឲ្យ​ស្ទះ​រន្ធ​ញើស ខ្វះ​ការផ្គត់ផ្គង់​ឈាម ទៅកាន់​បេះដូង និង​ខួរក្បាល ដែល​នាំ​ឲ្យ​មាន​គ្រោះថ្នាក់​ដល់​ជីវិត។

ពេល​មាន​ជំងឺ​គ្រុនក្តៅ

បើទោះបី​ជាការ​ងូតទឹក​អាច​កម្ចាត់​ភាពកខ្វក់ ឬ​បាក់តេរី​នៅលើ​រាងកាយ​ក៏ដោយ ប៉ុន្តែ​ប្រសិនបើ​អ្នក​ងូតទឹក​ឲ្យ​ពួកគេ​យូរពេក អាច​បង្ក​ឲ្យ​មានការ​វិលមុខ និង​សន្លប់។

ក្នុងករណី​ចាំបាច់ អ្នក​គួរតែ​ប្រើ​កន្សែង​ជ្រលក់​ទឹក​ក្តៅ​មក​ជូត​សម្អាត​រាងកាយ​ទារក​វិញ ព្រោះ​វា​ក៏​អាចជួយ​បញ្ចុះ​កម្តៅ​ទារក​ផងដែរ៕