ទោះបីជាទឹកដោះម្តាយសម្បូរសារធាតុចិញ្ចឹមគ្រប់បែបគ្រប់យ៉ាងដែលទារកត្រូវការជាចាំបាច់ ដើម្បីលូតលាស់ក៏ដោយ ប៉ុន្តែក្នុងករណីមួយចំនួនអ្នកម្តាយត្រូវផ្អាកបំបៅដោះកូនបណ្តោះអាសន្នសិន ព្រោះវាអាចបង្ករផលវិបាកដល់សុខភាពទារក ហើយអ្នកម្តាយកាន់តែខ្លាំង។ តើលក្ខខណ្ឌអ្វីខ្លះត្រូវតម្រូវឲ្យអ្នកម្តាយត្រូវឈប់បំបៅដោះកូន? ខាងក្រោមនេះគឺជាអ្វីដែលអ្នកម្តាយគ្រប់រូបគួរស្វែងយល់៖
១.អ្នកម្តាយកើតជំងឺទឹកនោមផ្អែម ឬបេះដូង
ជំងឺទាំងពីរមុខនេះ អាចមានគំរាមកំហែងដល់សុខភាពរបស់មនុស្សទូទៅយ៉ាងខ្លាំង ចុះទំរ៉ាំតែអ្នកម្តាយកំពុងបំបៅដោះកូនទៀតតើមានរឿងអ្វីកើតឡើង? ជម្រើសតែមួយគត់ គឺប្រញាប់ទៅពិគ្រោះជាមួយអ្នកជំនាញជាមុនសិន ព្រោះប្រសិនបើមិនបានព្យាបាលឲ្យបានឆាប់ទេ វាអាចបង្កឲ្យប៉ះពាល់ដល់សុខភាពរបស់អ្នកកាន់តែខ្លាំង រួមទាំងទារកផងដែរ។
២.អ្នកម្តាយប្រើថ្នាំអង់ទីប៊ីយោទិក
ជាធម្មតាថ្នាំប្រភេទនេះ គឺប្រើដើម្បីបំបាត់ការឈឺចាប់ ដោយសារតែជមងឺគ្រុនក្តៅ ឬក៏ផ្តាសាយ ក៏ប៉ុន្តែអ្នកកំពុងតែបំបៅដោះកូនគួរតែប្រយ័ត្ន ព្រោះថ្នាំនេះអាចធ្វើឲ្យគ្រោះថ្នាក់ដល់ទារក ក្រោយពេលបំបៅដោះ។ ហេតុនេះហើយ ដើម្បីជៀសផុតពីហានិភ័យ អ្នកគួរតែផ្អាកបំបៅដោះកូនសិន រហូតទាល់តែជំងឺជាសះស្បើយ។
៣.អ្នកម្តាយកើតជំងឺឆ្លង
អ្នកម្តាយមិនគួរបន្តបំបៅដោះកូនទៀតឡើយ នៅពេលដែលដឹងខ្លួនថា កើតជំងឺរលាកថ្លើម ឬរបេង ព្រោះវាអាចចម្លងមេរោគតាមរយៈទឹកដោះ ហើយទារកកនឹងកើតជំងឺដូចអ្នកដែរ៕
