កត្តាដ៏ធំបំផុតបន្ទាប់ពីការពពោះអស់រយៈពេល៩ខែពេញ គឺឪពុកម្តាយត្រូវចិញ្ចឹម និងមើលថែទាំងកូនដោយយកចិត្តទុកដាក់ឲ្យបានខ្លាំងបំផុត។ ជាពិសេសត្រូវយកចិត្តទុកដាក់ចំពោះទង្វើមួយចំនួន ព្រោះវាអាចធ្វើឲ្យពួកគេស្លាប់បាន។
១.បណ្តោលឲ្យពួកគេលេងរបស់តូចៗ
រាល់របស់របបតូចៗ ដែលល្មមអាចដាក់ចូលក្នុងមាត់បាន ហាមឲ្យកូនលេងឲ្យសោះ ព្រោះពួកគេអាចស្លាក់បាន ហើយបើយកចេញមិនទាន់ទេពួកគេអាចស្លាប់បាន។
២.ឲ្យកូនលេងចង្កឹះពេលញ៉ាំបាយ
ឪពុកម្តាយគ្រប់រូបមិនត្រូវឲ្យឧបករណ៍ចាប់អាហារឲ្យកូនលេងនោះទេ ប្រសិនបើពួកគេរត់ដួល អាចជុងបង្កទៅជាគ្រោះថ្នាក់ធ្ងន់ធ្ងរ។
៣.ទុកកូនចោលម្នាក់ឯង
កុំទុកកូនចោលម្នាក់ឯងនៅលើគ្រែ ឬទីខ្ពស់ឲ្យសោះ ជាពិសេសក្មេងដែលទើបនឹងចេះវា ព្រោះពួកគេអាចធ្លាក់ប៉ះទង្គិចត្រូវវត្ថុរឹង ដែលអាចបង្កឲ្យមានគ្រោះថ្នាក់។
៤.ដាក់ឲ្យកូនគេងផ្ងាប់មុខ
ការគេងផ្ងាប់មុខមិនមែនជាទម្លាប់ល្អនោះទេសម្រាប់មនុស្សទូទៅ ហើយសូម្បីតែក្មេងតូចៗក៏ដូចគ្នាដែរ ដោយសារតែខ្នើយ ឬពូក។ ក្នុងករណីដែលពួកគេរើមិនរួច អាចបណ្តោលឲ្យដាច់ខ្យល់ស្លាប់បាន។
៥.បណ្តោលឲ្យក្មេងលេងទឹកតែម្នាក់ឯង
ទោះទឹកនៅក្នុងអាង តិច ឬក៏ច្រើនក៏ដោយ អ្នកមិនត្រូវបណ្តោលឲ្យពួកគេលេងតែម្នាក់ឯងនោះទេ ព្រោះនៅពេលដែលពួកគេដួលផ្គាប់មុខ អាចឈ្លក់ស្លាប់បាន។
ក្នុងចំណោមសកម្មភាពទាំង ៥ចំណុចខាងលើនេះ សុទ្ធតែអាចនាំឲ្យមានគ្រោះថ្នាក់ដល់ជីវិតកូនទាំងអស់ ដូច្នេះសូមមានការប្រុងប្រយ័ត្នឲ្យបានខ្ពស់៕
