ស៊ុត ត្រូវបានគេចាត់ទុកជាអាហារមួយក្នុងចំណោមអាហារជាច្រើនដែឡផ្តល់ប្រូតេអ៊ីន និងតម្លៃជីវសាស្ត្រខ្ពស់។ លើសពីនេះស៊ុត មានផ្ទុកជាតិខ្លាញ់ វីតាមីន និងសារធាតុរ៉ែ ដែលមានសារៈសំខាន់ក្នុងការអភិវឌ្ឍកុមារ ដូចជា ជាតិដែក វីតាមីន A និងស័ង្កសី… ប៉ុន្តែនៅក្នុងស៊ុតលឿងក៏មានផ្ទុកខ្លាញ់លីពីត និងកូលេស្តេរ៉ុលច្រើនផងដែរ។
ដូច្នេះ ឪពុកម្តាយទាំងឡាយមិនគួរបណ្តោលឲ្យកូនញ៉ាំស៊ុតច្រើនពេកនោះទេ ព្រោះវាអាចបណ្តោលក្រពះឆ្អែតពេញ ពិបាកក្នុងការរំលាយ កើតជំងឺធាត់ មានបញ្ហាសរសៃឈាម ហើយអាចប្រឈមនឹងជំងឺជាច្រើនទៀត។
យកល្អ ឪពុកម្តាយទាំងឡាយគួរតែកំណត់ការទទួលទានស៊ុតចំពោះកុមារឲ្យបានត្រឹមត្រូវ៖
កុមារដែលមានអាយុ ៦ទៅ៧ខែ គួរតែបរិភោគស៊ុតមាន់ម្តងមួយចំហៀង ហើយក្នុងមួយសប្តាហ៍អាចត្រឹម ២ទៅ៣ដង។
កុមារដែលមានអាយុ ៨ទៅ១២ខែ អាចបរិភោគស៊ុតលឿង ១គ្រាប់ ហើយក្នុងមួយសប្តាហ៍ត្រឹមតែ ៣ទៅ៤ដង។
កុមារដែលមានអាយុ ១ទៅ២ឆ្នាំ អាចបរិភោគស៊ុតម្តង ១គ្រាប់ ហើយក្នុងមួយសប្តាហ៍ត្រឹមតែ ៣ទៅ៤ដង។
ចំពោះកុមារដែលមានអាយុចាប់ពី ២ឆ្នាំឡើងទៅ អាចបរិភោគមួយថ្ងៃ ១គ្រាប់បាន។
ប្រសិនបើអ្នកបណ្តោលឲ្យកូនញ៉ាំច្រើនពេក ហើយជារៀងរាល់ថ្ងៃ អាចបង្កឲ្យមានបញ្ហាសុខភាពទៅថ្ងៃក្រោយ៕
