ប្រសិនបើរាងកាយមានសុខភាពល្អ ការបញ្ចេញខ្យល់ស្អុយ ឬហៅថាផោម ក៏មិនសូវកើតមានឡើងដែរ ប៉ុន្តែប្រសិនបើកូនរបស់អ្នកផោមច្រើនខុសធម្មតាវិញនោះ តើមានរឿងអ្វីកើតឡើង? ខាងក្រោមនេះ គឺជាចម្លើយដែលអ្នកចង់ដឹង៖
១.ការបៅច្រើនហួសកម្រិត ជាមូលហេតុមួយដែលអាចធ្វើឲ្យកូនរបស់អ្នកឧស្សាហ៍បញ្ចេំផោម។ អាស្រ័យហេតុនេះ ឪពុកម្តាយទាំងឡាយគួរតែកំណត់ការបៅរបស់កូនឲ្យបានត្រឹមត្រូវ ទើបមិនសូវមានការផោម និងមានសុខភាពល្អ។
២.កត្តាទីពីរនេះ គឺបង្កឡើងដោយសារតែការញ៉ាំចំណីអាហារមិនបានល្អ ក៏អាចធ្វើឲ្យកូនរបស់អ្នកបញ្ចេញផោមញឹក ហើយថែមទាំងមានក្លិនស្អុយ។
៣.អ្នកពុំគួរបណ្តោយឲ្យកូនជញ្ចក់ខ្យល់លេងនោះឡើយ បន្ទាប់ពីញ៉ាំទឹកដោះគោអស់ ព្រោះនៅពេលដែលខ្យល់ចូលទៅក្នុងពោះច្រើន អាចធ្វើឲ្យទារកហើមពោះ និងបង្កទៅជាផោមច្រើន។
៤.ករណីចុងក្រោយ ការផោមច្រើន ហើយធំក្លិនស្អុយ អាចបណ្តោលមកពីកូនរបស់អ្នកឃ្លានខ្លាំង ហេតុនេះអ្នកគួរតែចេះសង្កេតមើលសអាកាប្បកិរយារបស់ទារក ប្រសិនបើពួកគេឃ្លានគួរតែឲ្យបៅភ្លាមកុំទុកយូរ៕
