អ្នកម្តាយភាគច្រើនពុំសូវអើពើនឹងបញ្ហាមួយចំនួនដែលកើតមានឡើងឡើយ ព្រោះយល់ថាវាជារឿងតូចតាចប៉ុណ្ណោះ គ្មានអ្វីដែលត្រូវព្រួបារម្ភឡើយ។ តែទោះជាយ៉ាងណា អ្វីៗមិនដូចការគិតរបស់ពួកគេនោះទេ ព្រោះរឿងតូចតាចមួយចំនួនក៏អាចធ្វើឲ្យមានផលប៉ះពាល់ធ្ងន់ធ្ងន់ដល់គភ៌ដែរ ប្រសិនបើអ្នកបណ្តោលទុកយូរមិនព្រមដោះស្រាយ។
១.គេងមិនលក់
តើអ្នកកំពុងតែមានបញ្ហាគេមិនលក់មែនទេ? កុំបណ្តោលឲ្យសោះព្រោះការគេងមិនលក់ មិនត្រឹមតែធ្វើឲ្យខ្សោយខួរក្បាលអ្នកម្តាយនោះទេ សូម្បីតែគភ៌ក៏ទទួលរងនូវផលប៉ះពាល់ដូចគ្នាដែរ។ យកល្អ បើជួបញ្ហាមួយនេះញឹកញាប់ អ្នកគួរតែទៅជួបអ្នកជំនាញដើម្បីរកវិធីដោះស្រាយភ្លាម។
២.មានបញ្ហាខ្វះឈាម
អ្នកម្តាយដែលកើតមានបញ្ហាខ្វះឈាមអ្នកម្តាយគ្រប់រូបត្រូវចាំថា ការខ្វះឈាមអាចធ្វើឲ្យគភ៌មិនអាចទទួលសារធាតុចិញ្ចឹមបានគ្រប់គ្រាន់ ដើម្បីជំរុញដល់ការលូតលាស់ឡើយ ដូច្នេះទារកអាចមានទម្ងន់ស្រាល ឬកើតមិនគ្រប់ខែ។
៣.ក្តៅខ្លួន
នៅពេលមានអាការក្តៅខ្លួនតិចៗ អ្នកគួរតែរកវិធីដោះស្រាយជាបន្ទាន់ ប្រសិនបើទុកយូរវាអាចធ្វើឲ្យស្បូនមានបញ្ហា ជាពិសេសគភ៌អាចរលូតបាន។
៤.ទល់លាមក
ជំងឺទល់លាមក អាចកើតមានចំពោះស្ត្រីមានភគ៌ភាគច្រើន ប៉ុន្តែវាក៏ងាយនឹងបាត់ទៅវិញដោយខ្លួនឯងដែរ។ ផ្ទុយទៅវិញ ប្រសិនបើការទល់លាមមានភាពធ្ងន់ធ្ងរ អាចបង្កឲ្យប៉ះពាល់ដល់ដំណើរការរបស់ក្រពះ និងពោះវៀនក្នុងការស្រូបយកសារធាតុសំខាន់ៗពីចំណីអាហារ។ ចុងក្រោយ គភ៌ ក៏មិនអាចទទួលបានសារធាតុចិញ្ចឹមតាមតម្រូវការដែរ ហើយការលូតលាស់ច្បាស់ជាមានភាពយឺតយ៉ាវ។
យកល្អ ស្ត្រីមានភគ៌គួរតែព្យាយាមទទួលទានបន្លែផ្លែឈើដែលសម្បូរជាតិសរសៃឲ្យបានច្រើន ដើម្បីសម្រួលដល់ប្រព័ន្ធរំលាយអាហារឲ្យដំណើរការបានល្អ៕
