ការស្រាវជ្រាវបានរកឃើញថា អត្រានៃទារកដែលត្រូវកាត់ស្បែកគ្រប់ចុងលិង្គចេញមានរហូតដល់ ៩៦ភាគរយ។ អត្រានេះកាត់បន្ថយដល់ ៥០ភាគរយ ចំពោះក្មេងអាយុ ១ឆ្នាំ ២០ភាគរយចំពោះក្មេងអាយុ២ឆ្នាំ និង១០ភាគរយចំពោះក្មេងអាយុ៤ឆ្នាំ។
កុមារដែលមានបញ្ហាស្បែកគ្រប់លិង្គ បើមិនបានកាត់ចេញទេពួកគេច្បាស់ជាជួបផលវិបាកក្នុងការនោមដោយសារតែស្ទះទឹកនោម មានការឈឺចាប់ពេលនោម ឬពេលលិង្គឡើងរឹង។ ដូច្នេះ អ្នកសង្កេតឃើញកុមារមានអាការមិនស្រួលដូចខាងក្រោមនេះ គួរនាំពួកគេទៅមន្ទីរពេទ្យភ្លាម៖
១.កុមារតែងតែត្អូញត្អែ អំពីការឈឺចាប់នៅពេលពួកគេបញ្ចេញនោម។
២.ចុងលិង្គមានបញ្ហារលាកឡើងក្រហម ហើយប្លោកនោមឡើងប៉ោងពេលប្រឹងនោម។
៣.កុមារមានអាយុ៣ឆ្នាំហើយ នៅតែមានបញ្ហាស្បែកគ្រប់ចុងលិង្គទៀត ក៏ត្រូវទៅពេទ្យដែរ៕
