ក្នុងអំឡុងពេលពពោះ រាងកាយរបស់មនុស្សស្រីគ្រប់រូបមានការផ្លាស់ប្តូរយ៉ាងខ្លាំង ដោយសារតែកម្រិតអ័រម៉ូនកើតឡើង។ ចុះបន្ទាប់ពីសម្រាលកូនហើយតើមានអ្វីកើតឡើងទៀតចំពោះរាងកាយ? ការប្រែប្រួលមានច្រើនចំណុចណាស់ ហើយក្នុងនោះទ្វារមាស ក៏ងាយនឹងរងគ្រោះផងដែរ ជាពិសេសភាពស្ងួត។ ភាពស្ងួត នេះហើយជាកត្តារំខានដល់ធំមួយ ដែលបណ្តោលឲ្យប៉ះពាល់ដល់ការបង្កាត់ភ្លើងស្នេហ៍ រវាងគូស្វាមីភរិយា នៅពេលក្រោយ។ ខាងក្រោមនេះ ជាមូលហេតុដែលបណ្តោលឲ្យទ្វារមាសស្ងួត ក្រោយពេលសម្រាល៖
១. អ័រម៉ូន Estrogen និង progesterone កើនឡើងដល់កំពូលក្នុងអំឡុងពេលមានផ្ទៃពោះ ហើយធ្លាក់មកវិញភ្លាមៗក្រោយពេលសម្រាលកូន។ មិនតែប៉ុណ្ណោះអ័រម៉ូន Estrogen នៅតែបន្តធាក់ចុះក្នុងអំឡុងពេលបំបៅដោះកូន។
២.ហេតុអ្វីបានជាអ័រម៉ូន Estrogen ធ្លាក់ចុះបង្កឲ្យទ្វារមាសស្ងួត? តាមពិតអ័រម៉ូន Estrogen មានតួនាទីយ៉ាងសំខាន់ក្នុងការបង្កើនលំហូរឈាមទៅកាន់តំបន់ឯកជន និងបង្កើនទឹករំអិលឲ្យកាន់តែច្រើនឡើង ដូច្នេះហើយ ទើបបង្កឲ្យទ្វារមាសមានសភាពស្ងួត ហើយឧស្សាហ៍បែកញីសខុសធម្មតា។
៣.លក្ខខណ្ឌផ្សេងទៀត ដែលធ្វើឲ្យទ្វារមាសស្ងួត គឺការរលាកក្រពេញទីរ៉ូអ៊ីតក្នុងអំឡុងពេលសម្រាលកូន។ ចំណុចនេះហើយ ដែលធ្វើឲ្យប៉ះពាល់ដល់ការផលិតនៃក្រពេញទីរ៉ូអ៊ីត ហើយទីបំផុត ស្ត្រីអាចកើតជំងឺធ្លាក់ទឹកចិត្ត ឆាប់ខឹង ឡើងទម្ងន់ និងស្ងួតទ្វារមាស៕
