ទោះបីជាក្នុងលក្ខខណ្ឌបែបណាក៏ដោយ ទារកទើបនឹងកើតមិនអាចទទួលទានសារធាតុរាវអ្វីផ្សេងក្រៅពីទឹកដោះម្តាយ តែមួយមុខគត់នោះទេ ព្រោះទឹកដោះម្តាយមានផ្ទុកជាតិទឹករហូតដល់ទៅ ៨៨ភាគរយ ដែលល្មមនឹងអាចផ្គត់ផ្គងជាតិទឹកដល់រាងកាយទារកបានគ្រប់គ្រាន់ហើយ។ ចុះប្រសិនបើ អ្នកផ្តល់ទឹកឲ្យទារកក្រោមអាយុ៦ខែច្រើនពេក តើមានរឿងអ្វីកើតឡើង?
ការផ្តល់ទឹកឲ្យទារកក្រោមអាយុចាប់ ៦ខែ ច្រើនពេកអាចប៉ះពាល់ដល់ខួរក្បាល បេះដូង ធ្វើឲ្យទារកមានអារម្មណ៍ឆ្អែត និងមិនព្រមបៅដោះឡើយ។ លើសពីនេះ វាអាចរំខានដល់ការស្រូបយកសារធាតុចិញ្ចឹមសំខាន់ៗនៅក្នុងទឹកដោះម្តាយ តុល្យភាពអេឡិចត្រូលីត្រក្នុងរាងកាយទារកមានការផ្លាស់ប្តូរ ហើយងាយនឹងមានបញ្ហាហើមពោះថែមទៀត។
បើទោះបីជាទារកមានអាយុ ៤ខែឡើងអាចទទួលទានទឹកខ្លះៗបានក៏ដោយ ប៉ុន្តែដើម្បីធានាសុវត្ថិភាព អាណាព្យាបាលទាំងឡាយ គួរតែរងចាំរហូតដល់ទារកមានអាយុ ៦ខែសិនទើបឲ្យទទទួលទានទឹក៕
