អ្នកជំនាញផ្នែកអាហារូបត្ថម្ភបានឲ្យដឹងថា កុមារដែលខ្វះសារធាតុស័ង្កសី អាចនាំឲ្យមានការលូតលាស់យឺតទាំងរាងកាយ និងបញ្ហា ហើយមានការហានិភ័យគ្មានកូនកើនឡើងខ្ពស់។ ការស្រាវជ្រាវក្នុងឆ្នាំ១៩៦១ដោយជនជាតិឥណ្ឌាបានបង្ហាញថា មនុស្សដែលកង្វះស័ង្កសី អាចបណ្តោលឲ្យកើតជំងឺរលាកថ្លើម លំពែង និងមានការអភិវឌ្ឍរាងកាយយឺត។
នៅក្នុងរាងកាយរបស់មនុស្សម្នាក់ៗមានផ្ទុកស័ង្កសីចន្លោះ ២ទៅ៣ក្រាម និងត្រូវបានរកឃើញនៅស្ទើរតែគ្រប់ប្រភេទនៃកោសិកា ប៉ុន្តែភាគច្រើនផ្នែកដែលកង្វះស័ង្កសី គឺនៅក្នុងផ្នែកមួយចំនួនដូចជាថ្លើម តម្រងនោម ឆ្អឹង ពងស្វាស ស្បែក សក់ និងក្រចក។
ស័ង្កសី គឺជាមីក្រូសារជាតិមួយដ៏សំខាន់ដូចជាជាតិដែកដែរ ប៉ុន្តែយ៉ាងហោចណាស់មានកុមារប្រហែលជា ៨០ភាគរយ និងស្ត្រីពពោះស្ទើរតែគ្រប់រូបតែងខ្វះស័ង្កសី។
ផ្ទុយទៅវិញប្រសិនបើកុមារខ្វះស័ង្កសី អាចបណ្តោលឲ្យមានបញ្ហាវិវត្តផ្នែកបញ្ហាស្មារតី មានជំងឺប្រតិកម្មអាឡែស៊ី ទម្ងន់ស្រាល និងការលូតកម្ពស់តិចបំផុត។
ចំពោះអាការដេលបង្ហាញនៅខាងក្រៅ គឺក្រចកអាចខូចខាត ដុះលូតលាស់យឺត និងមានចំណុចស។ ចំណែកឯស្បែកឡើងស្ងួត ជាសញ្ញានៃការឆ្លងមេរោគ ហើយសក់ក៏អាចខូចខាតធ្ងន់ធ្ងរផងដែរ។
ទាំងនេះហើយ ជាមូលហេតុដែលអ្នកជំនាញបានផ្តល់អនុសាសន៍ឲ្យអាណាព្យាបាលទាំងឡាយព្យាយាមផ្តល់ថ្នាំតាមវេជ្ជបញ្ជា ឬអាហារដែលសម្បូរទៅដោយជាតិស័ង្កសី ដល់កុមារឲ្យបានគ្រប់គ្រាន់។ អាហារដែលសម្បូរស័ង្កសីមានដូចជា អយស្ទើរ ថ្លើម សាច់ក្រហម ស៊ុត និងគ្រប់ធញ្ញជាតិជាច្រើនទៀត…៕
