តើអ្នកពិបាកក្នុងការបង្ខំឲ្យកូនៗញ៉ាំអាហារមែនទេ? ជាការពិតណាស់ ការមិនចង់ញ៉ាំអាហាររបស់កូនៗ ជាបញ្ហាមួយដែលអាណាព្យាបាលស្ទើរតែគ្រប់រូបតែងតែជួបប្រទះ ទោះបីជាបង្ខំពួកគេយ៉ាងណាក៏មិនញ៉ាំដែរ យ៉ាងច្រើនបានត្រឹម២ទៅ៣ម៉ាត់ប៉ុណ្ណោះ។ ការបណ្តោលតាមចិត្តកូនបែបនេះ អាចធ្វើឲ្យពួកគេខ្វះអារូបត្ថម្ភនៅក្នុងរាងកាយ ដែលអាចជះឥទ្ធិពលអវិជ្ជមានដល់ការអភិវឌ្ឍរាងកាយ និងបញ្ញាទៅថ្ងៃក្រោយ។
ដូច្នេះហើយ អ្នកជំនាញបានណែនាំថា ប្រសិនបើអ្នកចង់ឲ្យកូនញ៉ាំអាហារបានច្រើន គួរតែអនុវត្តវិធីមួយចំនួន៖
១.ត្រូវប្តូរអាហារជារៀងរាល់ថ្ងៃ តែប្រសិនបើអាហារដែលពួកគេចូលចិត្តត្រូវធ្វើឲ្យញឹក។
២.កុំផ្តល់សាច់ឲ្យកូនច្រើនពេក គឺត្រូវផ្តល់អាហារឲ្យមានតុល្យភាពទាំងសាច់ និងបន្លែ។
៣.អាហារដែលពួកគេទទួលទាន មិនត្រឹមតែមានរស់ជាតិឆ្ងាញ់នោះទេ ត្រូវចេះរៀបចំឲ្យមានសោភ័ណ្ឌភាព ដើម្បីទាក់ទាញចំណាប់អារម្មណ៍ពីពួកគេ។
៤.ប្រសិនបើកុមារបដិសេធចំពោះការញ៉ាំអាហារថ្មី មិនត្រូវបង្ខំពួកគេឡើយ ប៉ុន្តែត្រូវព្យាយាមប្តូរអាហារផ្សេងទៀតនៅពេលក្រោយ។
៥.កុំផ្តល់ស្ករគ្រាប់ ឬភេសជ្ជៈមុនពេលញ៉ាំអាហារ។
៦.អាហាររបស់កុមារ ក្រោយពេលចម្អិនមិនត្រូវទុកឲ្យត្រជាក់លើសពី៣០នាទីឡើយ។
៧.ត្រូវអនុញ្ញាតឲ្យកូនញ៉ាំខ្លួនឯង។
៨.ត្រូវចេះសរសើរ ទោះបីជាកូនញ៉ាំបានតិចក្តី….។
