ការម៉ាស្សា គឺជារឿងដ៏ល្អសម្រាប់ទារក ព្រោះវាផ្តល់នូវអត្ថប្រយោជន៍យ៉ាងច្រើនដូចជា ជំរុញឲ្យឆ្អឹងមានការលូតលាស់ និងបង្កើនចលនាឈាមរត់ទៅគ្រប់ផ្នែកនៃសរីរាង្គ។ លើសពីនេះទៅទៀត ការម៉ាស្សាអាចជួយឲ្យរាងកាយទារកបានសម្រាក គេងលក់ស្រួល កាត់បន្ថយភាពតានតឹង និងមានអារម្មណ៍រីករាយ។
ទោះជាយ៉ាងណា មានរឿងមួយចំនួនអ្នកម្តាយមិនត្រូវធ្វើអំឡុងពេលម៉ាស្សាឲ្យទារកនោះទេ៖
ជៀសវាងម៉ាស្សា ប្រសិនបើទារកយំ ឃ្លាន ឈឺ ឬគេងលក់។
ប្រសិនបើទារកចាក់ថ្នាំបង្ការ គួរផ្អាកការម៉ាស្សារយៈពេល ២៤ម៉ោង។
នៅពេលម៉ាស្សា អ្នកមិនត្រូវប្រើកម្លាំងដៃធ្ងន់ ឬឧបរកណ៍រឹងៗមកសង្កត់ឡើយ។
កុំប្រើប្រេងផ្តេសផ្តាស់ ព្រោះវាអាចបង្កបញ្ហាដល់ស្បែក និងសុខភាពទារក។
យកល្អ អ្នកគួរតែសុំប្រឹកស្សា ឬរៀនពីរបៀបម៉ាស្សាពីក្រុមអ្នកជំនាញឲ្យបានត្រឹមត្រូវ មុននឹងអនុវត្តមកលើទារក៕
