ទម្លាប់ក្នុងការចម្អិនអាហាររបស់អ្នកម្តាយ ពិតជាមានសារៈសំខាន់ខ្លាំងណាស់ ព្រោះវាអាចមានផលអាក្រក់ដល់សុខភាពគ្រួសារទាំងមូល ប្រសិនបើការចម្អិននោះមិនបានត្រឹមត្រូវ។ ដូច្នេះប្រសិនបើចង់ឲ្យគ្រួសារមានសុខភាពល្អ អ្នកម្តាយទាំងឡាយគួរជៀសវាងទម្លាប់មួយចំនួន ដូចជាងក្រោម៖
១.ការប្រើប្រេង ឬខ្លាញ់ចាស់
ការប្រើប្រាស់ប្រេង ឬខ្លាញ់ដែលធ្លាប់ដំណើរការចម្អិនអាហាររួមម្តងហើយ ពិតជាមានគ្រោះថ្នាក់ខ្លាំងណាស់ ព្រោះវានឹងផលិតសារធាតុគីមីពុលកាន់តែច្រើនឡើង។ លើសពីនេះទៅទៀត កាកសំណល់អាហារដែលត្រូវបានដុតកម្តៅជាថ្មីម្តងទៀត គឺជាភ្នាក់ងារបង្កគ្រោះថ្នាក់ដល់សុខភាពយ៉ាងខ្លាំង។
ហេតុនេះដើម្បីធានាដល់សុខភាពចំពោះគ្រួសារទាំងមូល អ្នកម្តាយគួរតែបោះបង់ប្រេង ឬខ្លាញ់ដែលធ្លាប់ប្រើរួចម្តងហើយនោះចោលទៅ។
២.ប្រើភ្លើងខ្លាំងពេក
ការប្រើប្រាស់ភ្លើងខ្លាំងលើសពី ២០០អង្សាសេ អាចបណ្តោលឲ្យបរិមាណនៃសារធាតុចិញ្ចឹមនៅក្នុងបន្លែ និងសាច់ត្រូវបានបំផ្លាញ។ យកល្អ អ្នកគួរតែគ្រប់គ្រងសីតុណ្ហភាពនៅចន្លោះពី ១៥០ ទៅ១៨០អង្សាសេ បានហើយ។
៣.កម្តៅអាហារញ៉ាំម្តងទៀត
ដោយសារតែការស្តាយ និងមិនចង់ខ្ជេះខ្ជាយលុយកាក់ច្រើន អ្នកម្តាយភាគច្រើនតែងតែមានទម្លាប់យកអាហារសល់មកកម្តៅញ៉ាំម្តងទៀត ប៉ុន្តែទម្លាប់មួយនេះពិតជាមានគ្រោះថ្នាក់ណាស់។ ការកម្តៅអាហារសល់ញ៉ាំម្តងទៀត ជាតិពុលនៅក្នុងអាហារនឹងមានការកើនឡើង ដែលអាចបណ្តោលឲ្យអ្នកបរិភោគមានអាការឈឺក្បាល វិលមុខ រាគ អស់កម្លាំង…។
ដូច្នេះ ប្រសិនបើអាច គួរតែចម្អិនអាហារថ្មីល្អប្រសើរជាង ហើយអាហារដែលនៅសល់គួរតែឈប់ទទួលទានទៀតទៅ៕
