ជាទូទៅក្រុមគ្រូពេទ្យបានណែនាំឲ្យស្ត្រីមានផ្ទៃពោះទាំងឡាយសម្រាលកូនតាមធម្មជាតិហើយ លើកលែងតែករណីពិសេសមួយចំនួន ដូជាកូនធំពេក ឬកូនភ្លោះជាដើម។
ប៉ុន្តែការសម្រាលកូនដោយធម្មជាតិ អាចជួយឲ្យអ្នកម្តាយសម្រាកក្នុងមន្ទីរពេទ្យរយៈពេលខ្លី ហើយអាចវិលទៅធ្វើសកម្មភាពប្រចាំថ្ងៃធម្មតាវិញបាន។ មិនតែប៉ុណ្ណោះ បទពិសោធន៍នៃការសម្រាលកូនដោយធម្មជាតិ ក៏អាចជួយកាត់បន្ថយបញ្ហាផ្លូវចិត្តរបស់អ្នកម្តាយផងដែរ។
សំខាន់ជាងនេះទៅទៀត ប្រសិនបើអ្នកមានគម្រោងចង់មានផ្ទៃពោះនាថ្ងៃអនាគត់ វាអាចជួយបញ្ជៀសគ្រោះថ្នាក់នៃការសម្រាលកូនច្រើនដូចជាការវះកាត់ពោះវៀន ឬប្លោកនោម និងបញ្ហាសុក។
ចំពោះការសម្រាលដោយវះកាត់វិញ ត្បិតតែមិនដឹងការឈឺចាប់ ហើយទ្វារមាសមិនមានបញ្ហាក៏ដោយ ប៉ុន្តែអ្នកត្រូវប្រឈមនឹងហានិភ័យសង្គ្រោះបន្ទាន់ និងប្រើពេលយូរទើបជាសះស្បើយ។
ក្រៅពីនេះវាអាចធ្វើឲ្យជញ្ជាំស្បូនមានភាពទន់ខ្សោយពិបាកក្នុងការពពោះលើកក្រោយ ហើយបន្សល់ទុកស្លាកស្នាមនៅលើក្បាលពោះថែមទៀត៕
