តើគ្រប់គ្នាធ្លាប់ឆ្ងល់បែបនេះដែរឬទេ? ជាការពិតនៅពេលមានផ្ទៃពោះស្ត្រីត្រូវបានអ្នកជំនាញណែនាំមិនឲ្យគេងផ្ងារនោះទេ ព្រោះវាអាចប៉ះពាល់ដល់កូនក្នុងផ្ទៃ ចុះក្រោយពេលសម្រាលកូនដោយវះកាត់ហើយ តើស្ត្រីអាចគេងផ្ងារបានទេ? ប្រសិនបើអ្នកគិតថាក្រោយពេលសម្រាលកូនដោយវះកាត់ហើយ ស្ត្រីអាចមានសរីភាពក្នុងការគេងផ្ងោរនោះ គឺគិតខុសហើយ។ ការគេងផ្ងារក្នុងដំណាក់កាលនេះ អាចបណ្តោលឲ្យប៉ះពាល់ដល់មុខរបួស ដោយសារតែស្ត្រីត្រូវងើយច្រើនដងដើម្បីបទជើងតូច ឬបំបៅដោះកូននៅពេលពួកគេស្រែកយំ។
បើយោងតាមអ្នកជំនាញបានណែនាំថា ស្ត្រីគួរតែជៀសវាងគេងផ្ងារក្រោយពេលវះកាត់សម្រាលកូនរួច ជាពិសារចំពោះអ្នកដែលឡើងទម្ងន់ខ្លាំងក្នុងពេលមានផ្ទៃពោះ ព្រោះពោះរបស់អ្នកនៅតែធំមិនទាន់ស្រកភ្លាមៗឡើយ។ ការគេងផ្ងារអាចដាក់សម្ពាធខ្លាំងទៅលើស្នាមរបួស និងបង្កឲ្យមានការឈឺចាប់។ ហេតុនេះអ្នកគួរតែរងចាំឲ្យរបួសជាសះស្បើយរយៈមួយ ឬពីរខែសិន មុនពេលព្យាយាមគេងផ្ងារ។
ទម្លាប់ដ៏ល្អបំផុតក្រោយពេលសម្រាលកូនដោយវះកាត់ គឺការគេងបែរទៅឆ្វេង ឬទៅស្តាំ ហើយអ្នកត្រូវកល់ខ្នើយក្រោមពោះ ដើម្បីសម្រាល់សម្ពាធនៅលើមុខរបួស។ អ្នកត្រូវដឹងថា ការវះកាត់មិនអាចធ្វើឲ្យពោះត្រលប់មកសភាពដើមវិញភ្លាមៗនោះទេ យ៉ាងហោចណាស់រយៈពេល ១ខែកន្លះដែរ៕
