កន្លងទៅថ្មីៗនេះមានករណីគួរឲ្យភ្ញាក់ផ្អើលមួយនៅប្រទេសចិន បានកើតឡើងចំពោះទារកដែលទើបនឹងកើតបាន៣ខែ បន្ទាប់ពីសាច់ញាតិរបស់គាត់យកទូរសព្ទថតចំងាយប្រហែលជា ២៥សង់ទីម៉ែត្រដោយភ្លេចបិទពន្លឺ flash ។ មិនយូរប៉ុន្មាន ក្រោយពីការថតរូបនេះ ឪពុកម្តាយរបស់ទារករងគ្រោះ បានសង្កេតឃើញភាពមិនប្រក្រតីចំពោះភ្នែករបស់គាត់ ហើយពួកគេក៏ប្រញាប់នាំកូនទៅកាន់មន្ទីរពេទ្យជាបន្ទាន់។
ក្រោយពេលពិនិត្យគ្រូពេទ្យបានរកឃើញថា ទារកនេះបានទទួលរងបញ្ហាភ្នែក ដោយសារតែពន្លឺ flash ដែលជះចេញពីកាមេរ៉ាទូរសព្ទដៃ។ នេះហើយជាមូលហេតុដែលធ្វើឲ្យភ្នែកខាងឆ្វេងរបស់ទារករងគ្រោះត្រូវប៉ះពាល់ធ្ងន់ធ្ងរ ហើយភ្នែកខាងស្តាំវិញខ្វាក់ មិនអាចព្យាបាលបានឡើយ។
ប្រសិនបើពន្លឺ flash នៃកាមេរ៉ាទូរសព្ទដៃជះត្រូវចំភ្នែកខ្លាំងពេក អាចបណ្តោលឲ្យភ្នែកព្រិល មើលមិនសូវច្បាស់ ឬខ្វាក់តែម្តង។
ហេតុនេះអ្នកជំនាញបានផ្តល់អនុសាសន៍ឲ្យមានការប្រុងប្រយ័ត្នចំពោះការប្រើទូរសព្ទថតទារក ព្រោះពន្លឺ flash អាចប៉ះពាល់ដល់ភ្នែកទារកតូចៗ ជាពិសេសក្រោមអាយុ៣ឆ្នាំ។ មិនតែប៉ុណ្ណោះ ពន្លឺ flash ដែលជះចូលភ្នែកត្រឹម១វិនាទី គឺគ្រប់គ្រាន់អាចធ្វើឲ្យភ្នែកទារកខូចមួយជីវិតបាន៕
