កុមារតូចៗងាយនឹងឆ្លងជំងឺផ្តាសាយខ្លាំងណាស់ ជាពិសេសពេលអាកាសធាតុមានការប្រែប្រួលតែម្តង ព្រោះប្រព័ន្ធភាពស៊ាំរបស់ពួកគេនៅទន់ខ្សោយមិនទាន់អាចសម្របខ្លួបានឡើយ។ ដូច្នេះ ដើម្បីរក្សាកូនតូចៗឲ្យជៀសផុតពីជំងឺមួយនេះ ឪពុកម្តាយទាំងឡាយគួរតែអនុវត្តតាមជំហ៊ានដូចខាងក្រោម៖
១.ធានាអនាម័យរាងកាយកុមារ បង្រៀនពួកកេឲ្យចេះប្រើកន្សែង ឬក្រដាស់អនាម័យខ្ទប់មាត់ពេលកណ្តាស់ លាងដៃពួកគេឲ្យបានទៀងទាត់ជាមួយសាប៊ូ សម្អាតច្រមុះ និងបំពង់កជារៀងរាល់ថ្ងៃជាមួយទឹកអំបិល។
២.រក្សាកម្តៅដល់រាងកាយដោយការស្លៀកសម្លៀកបំពាក់ឲ្យបានជិតៗ ផ្តល់អាហារឲ្យបានគ្រប់គ្រាន់ ដើម្បីជំរុញឲ្យរាងកាយមានភាពរឹងមាំ។
៣.នាំកុមារទៅចាក់ថ្នាំបង្ការជំងឺគ្រុនផ្តាសាយតាមរដូវ។
៤.កុំឲ្យកូនទៅក្បែរ ឬលេងជាមួយក្មេងៗដែលកើតជំងឺផ្តាសាយ។
៥.នៅពេលឃើញកូនមានរោគសញ្ញាក្អក ក្តៅខ្លួន ហៀរសំបោរ ឈឺក្បាល និងអស់កម្លាំង ត្រូវប្រញាប់នាំកូនទៅពិនិត្យ និងព្យាបាលជាបន្ទាន់៕
