នៅពេលដែលទារកមានស្នាមប៉ោងមួយដុំជិតផ្សិត ពងស្វាសហើម ឬមានដុំពកនៅតំបន់ក្រលៀន ពួកគេប្រហែលជាកំពុងកើតជំងឺក្លនលូនហើយ។ ក្លនលូន កើតឡើងគ្រប់ពេលវេលានៃសរីរាង្គខាងក្នុង ដែលជាធម្មតាពោះវៀនត្រូវបានរុញច្រានតាមរយៈការបើកនៃជញ្ជាំងពោះ។
អ្នកនឹងឃើញស្នាមប៉ោងមួយដុំ ឬដុំពក កើតមានឡើងនៅពេលទារកស្រែកយំ ក្អក ឬពោះវៀនធ្វើចលនាផ្លាស់ប្តូរ។ ជំងឺក្លនលូន មានច្រើនប្រភេទណាស់ ប៉ុន្តែមានពីរប្រភេទដែលកើតឡើងចំពោះទារកច្រើនបំផុត។
ក្លនលូន កើតឡើងនៅក្បែរពោះរបស់ទារក
ជំងឺក្លនលូន ដែលលេចចេញនៅក្បែរពោះទារក គឺកើតឡើងក្នុងអំឡុងពេលប៉ុន្មានសប្តាហ៍ដំបូង ឬខែដំបូងនៃជីវិតរបស់គាត់។ អ្នកគួរតែនាំពួកគេទៅមន្ទីរពេទ្យភ្លាមធ្វើការព្យាបាលភ្លាម បើឃើញរោគសញ្ញាមិនប្រក្រតីទាំងនេះ ប៉ុន្តែមានករណីមួយចំនួនក៏អាចបាត់ទៅវិញដោយខ្លួនឯងដោយមិនបាច់ព្យាបាលដែរ។
ជំងឺក្លនលូនដែលកើតមាននៅតំបន់ក្រលៀន
វាជារឿងធម្មតាចំពោះទារកដែលកើតមិនគ្រប់ខែ។ អ្នកអាចមើលឃើញដុំពកនៅលើក្រលៀន ឬក្មេងប្រុសហើមពងស្វាស។ ជំងឺមួយនេះគ្រូពេទ្យអាចធ្វើការវះកាត់ ដើម្បីព្យាបាលជំងឺនេះអោយជាសះស្បើយ ហើយការពារមិនអោយកើតឡើងវិញឡើយ។
ការវះកាត់ គឺជាវិធីព្យាបាលដែលមានសុវត្ថិភាព ហើយទារកនឹងត្រលប់មកមានសុខភាពល្អវិញឆាប់។ ប្រសិនបើកូនរបស់អ្នកមានជំងឺក្លនលូន ហើយមានពណ៌ក្រហមភ្លាមៗ ឬឈឺចាប់ សូមប្រញាប់នាំពួកគេទៅមន្ទីរពេទ្យភ្លាម។ នេះជារោគសញ្ញាដែលបញ្ជាក់ថា ពោះវៀនកំពុងតែជាប់គាំង ដែលត្រូវការជួសជុលឡើងវិញ៕
