តាមពិតមានវិធីសាស្ត្រច្រើនណាស់ក្នុងការកម្ចាត់រោមចេញពីផ្ទៃមុខ ប៉ុន្តែវិធីសាស្ត្រទាំងនោះអាចធ្វើអោយមានការឈឺចាប់ ហើយមិនយូរប៉ុន្មានរោមនឹងដុះមកម្តងទៀត។ ដូច្នេះ សូមសាកល្បងវិធីសាស្ត្រមួយនេះវិញ វាពិតជាគ្មានការឈឺចាប់ ហើយជួយអោយស្បែកមុខស្រស់ស្អាតថែមទៀត។
ធាតុផ្សំ៖
- ស្ករស ២ស្លាបព្រាបាយ
- ទឹក ១០ស្លាបព្រាបាយ
- ទឹកក្រូចឆ្មារ ២ស្លាបព្រាកាហ្វេ
របៀបប្រើប្រាស់៖
១.លាយស្ករ និងទឹកនៅក្នុងចានតូចមួយ។
២.នៅពេលរបស់ទាំងពីនេះរលាយចូលគ្នាសព្វហើយ ត្រូវបន្ថែមទឹកក្រូចឆ្មារតាមក្រោយ។
៣.ចាប់ផ្តើអនុវត្តនៅលើផ្ទៃមុខរបស់អ្នក ឬកន្លែងដែលមានរោម។
៤.ទុកចោលចំនួន ១៥ ទៅ ២០នាទី ទើបលាងសម្អាតជាមួយទឹកធម្មតា។
៥.សូមព្យាយាមប្រើវិធីមួយនេះ ពីរទៅបីដងក្នុងមួយសប្តាហ៍ រោមនៅលើផ្ទៃមុខនឹងកាត់បន្ថយបន្តិចម្តងៗរហូតទាល់តែអស់។
វិធីមួយនេះពិតជាមិនមានការឈឺចាប់ ហើយអាចប្រើបានចំពោះស្បែកគ្រប់ប្រភេទ៕
