ស្ត្រីជាច្រើននៅប៉ែកអឺរ៉ុប បានចាប់ផ្តើមប្រើស្លឹកស្ពៃក្តោបដាក់លើដើមទ្រូង ព្រោះវាអាចកាត់បន្ថយអាការ:ហើមសុដន់ និងជួយបំបាត់ការឈឺចាប់ដោយសារតែការបំបៅដោះកូន។
ដូចគ្នានេះផងដែរ វាអាចជួយបន្ធូរបន្ថយការឈឺចាប់ និងភាពតានតឹងដែលបង្កឡើងដោយសារតែការពាក់អាវទ្រនាប់។ បើយោងតាមការសិក្សាបានបង្ហាញថា ប្រសិនបើអ្នកកំពុងតែបំបៅកូនដោយទឹកដោះ គួរតែដាក់ស្លឹកស្ពៃនៅលើដើមទ្រូងផ្ទាល់។ ព្រោះវិធីនេះអាចផ្តល់ភាពត្រជាក់ កាត់បន្ថយការឈឺចាប់ និងហើមផងដែរ។
របៀបប្រើស្លឹកស្ពៃក្តោប
១.យកស្ពៃក្តោបទាំងមូលនៅក្នុងទូរទឹកកកឲ្យបានមួយម៉ោង។
២.នៅពេលដែលត្រជាក់បកសំបកខាងក្រៅចេញ រួចយកពីរស្រទាប់មកប្រើ។
៣. មុននឹងប្រើត្រូវលាងសម្អាតសិន ព្រោះវាអាចមានភាពកខ្វក់នៅជាប់ ឬមានសំណល់ថ្នាំសម្លាប់សត្វល្អិត។
៤. កាត់តម្រឹមស្លឹកស្ពៃឲ្យត្រូវនឹងទំហំសុដន់របស់អ្នក ដើម្បីងាយស្រួលក្នុងការប្រើប្រាស់។
៥. ចាប់ផ្តើមគ្រប់ដណ្តប់លើសុដន់ទាំងមូល តែត្រូវទុកមួយប្រលោះសម្រាប់ចុងសុដន់។
៦. ទុកនៅលើដើមទ្រូងរយ:ពេល ២០នាទី ឬរហូតទាល់តែស្លឹកស្ពៃឡើងកម្តៅ ទើបយកវាចេញ។
៧. ព្យាយាមអនុវត្តវិធីនេះ មួយថ្ងៃឲ្យបានពីរដងប្រសិនបើអ្នកមានអាការហើម និងឈឺចាប់ខ្លាំង៕
