នៅក្នុងស្ថានភាពរស់នៅនាពេលបច្ចុប្បន្ន កុមារត្រូវបានគេយកចិត្តទុកដាក់ខ្លាំងណាស់ បើធៀបជាមួយនឹមមនុស្សជំនាន់មុន។ ទោះបីជាយ៉ាងណាក៏ដោយ កុមារជាច្រើននៅតែជួបបញ្ហាក្រិនមិនលូតកម្ពស់ ដែលធ្វើឲ្យឪពុកម្តាយមានការព្រួបារម្ភយ៉ាងខ្លាំង។ ដូច្នេះ អ្នកត្រូវចេះសង្កេតមើលការលូតកម្ពស់របស់កូនដោយខ្លួនឯង ដើម្បីសុំជំនួយពីអ្នកជំនាញឲ្យបានទាន់ពេលវេលា។
១.ការលូតកម្ពស់របស់កូនក្រោមអាយុ៣ឆ្នាំ គឺតិចជាង៧សង់ទីម៉ែត្រ ក្នុងមួយឆ្នាំ។
២.កូនចាប់ពី៣ឆ្នាំឡើងទៅ មានការលូតកម្ពស់តិចជាង ៣សង់ទីម៉ែត្រ ទៅ៥សង់ទីម៉ែត្រក្នុងមួយឆ្នាំ។
៣.ក្មេងវ័យជំទង់ដែលមានការលូតកម្ពស់តិចជាង ៥សង់ទីម៉ែត្រ ទៅ៦សង់ទីម៉ែត្រក្នុងមួយឆ្នាំ។
លក្ខខណ្ឌទាំងអស់ខាងលើនេះ មានន័យថាកូនរបស់អ្នកអាចមានបញ្ហាកម្ពស់ ឬហៅថាតឿនៅពេលធំពេញវ័យ៕
