ការស្រាវជ្រាវដែលបានចេញផ្សាយនៅក្នុងទស្សនាវដ្តី JAMA Psychiatry ដែលបានធ្វើការតាមដានទៅលើកុមារជាង ២លាននាក់នៅក្នុងប្រទេសចំនួន ៥ បានបញ្ជាក់ម្តងទៀតថា មូលហេតុដ៏ធំបំផុតនៃជំងឺសរសៃប្រសាទរបស់កុមារ បង្កឡើងដោយសារតំណពូជ។
អ្នកស្រាវជ្រាវបានពិនិត្យឡើងវិញ និងវិភាគកំណត់ត្រាកុមារជាង ២លាននាក់ ដែលបានកើតនៅក្នុងប្រទេសដាណឺម៉ាក ហ្វាំឡង់ ស៊ុយអែត អ៊ីស្រាអែល និងអូស្ត្រាលី ពីឆ្នាំ ១៩៩៨ ដល់ឆ្នាំ ២០១។
អ្នកស្រាវជ្រាវ បានបន្តតាមដានរហូតដល់ពួកគេមានអាយុ ១៦ឆ្នាំ នៅក្នុងនោះមានមនុស្សជាង ២២,០០០នាក់ ត្រូវបានរកឃើញមានជំងឺសរសៃប្រសាទ ស្មើនឹង ៨១ភាគរយ គឺដោយសារតែតំណពូជ។ ខណៈដែលកត្តាបរិស្ថានមានជំនួនតិចជាង ២០ភាគរយ ដែលកើតមានហានិភ័យនៃជំងឺនេះ។
លទ្ធផលនេះ គឺស្របទៅនឹងការសិក្សាថ្មីដែលបង្ហាញថា តំណពូជ គឺជាកត្តាចម្បងដែលរួមចំណែកដល់ការអភិវឌ្ឍនៃជំងឺសរសៃប្រសាទ។ ក្រុមអ្នកស្រាវជ្រាវជឿជាក់ថា ការរកឃើញមូលហេតុដើមនេះ នឹងជួយឲ្យឪពុកម្តាយទាំងឡាយធ្វើអន្តរាមន៍បានទាន់ពេល ពោះកូនៗដែលមានជំងឺសរសៃប្រសាទដំណាក់កាលដំបូង៕
