ស្ទើរតែ​ស្ត្រី​ទាំងអស់​ស្រមៃ​ចង់​វិល​ទៅរក​ភាព​ដើម​វិញ ក្រោយពេល​មាន​ផ្ទៃពោះ ព្រោះ​ក្រោយ​ឆ្លងកាត់​ការ​មាន​ផ្ទៃះ​ពោះ​រយៈពេល៩ខែ ទាំង​រូបរាង និង​ទម្ងន់​របស់​ពួកគេ​មានការ​ប្រែប្រួល​ជាខ្លាំង។ ទោះជា​យ៉ាងណា គ្រូពេទ្យ​បាន​ណែនាំ​ថា ស្ត្រី​សម្រាលកូន​ហើយ​ទាំងឡាយ​គួរតែ​រងចាំ​រយៈពេល​យ៉ាងហោចណាស់ ៤ទៅ ៦សប្តាហ៍​សិន ទើប​អាច​ធ្វើការ​សម្រក​ទម្ងន់​បាន។ លើសពីនេះ​អ្នកជំនាញ​បាន​ប្រាប់​ពី​វិធីសាស្ត្រ​ប្រកបដោយ​ផាសុខភាព ដែល​អាច​សម្រក​ទម្ងន់​ដោយ​ប្រើពេល​តែ ៦សប្តាហ៍​ប៉ុណ្ណោះ។

Image result for after pregnancy

១.ផឹកទឹក​ឲ្យ​បាន​ច្រើន

ទឹក​អាចជួយ​សម្អាត​ប្រព័ន្ធ​រាងកាយ និង​ជួយ​ឲ្យ​អ្នកមាន​អារម្មណ៍​ឆ្អែត។ ក្រៅពីនេះ​អ្នក​ត្រូវ​កំណត់​ការ​ទទួលទាន​ភេសជ្ជៈ​ដែល​មិនចាំបាច់​ដូចជា ទឹកក្រូច​សូ​ដា ស្រា​បៀរ និង​ភេសជ្ជៈ​ដែលមាន​ជាតិ​ស្ករ​ច្រើន​ទៀត។

២.កំណត់​របប​អាហារ

ជាទូទៅ​អ្នក​ម្តាយ​បំបៅ​ដោះ​កូន​គួរ​ទទួលទាន​របប​អាហារ ២២០០កាឡូរី ហើយ​អ្នក​ម្តាយ​មិន​បំបៅ​ដោះ​កូន​គួរ​ទទួលទាន​មិន​លើ​លពី ១៨០០កាឡូរី​ក្នុង​មួយថ្ងៃ។ មួយវិញទៀត​អ្នក​ត្រូវ​ព្យាយាម​បន្លែ​ផ្លែឈើ និង​អាហារ​សម្បូរ​ជាតិ​សរសៃ​ច្រើន​ឲ្យ​បាន​ច្រើន។

៣.ធ្វើ​លំ​ហាត់ប្រាណ

យ៉ាងហោចណាស់​ក្នុង​មួយ​សប្តាហ៍​អ្នក​ត្រូវធ្វើ​លំ​ហាត់ប្រាណ៣ដង ដោយ​ការដើរ ឬ​រត់យឺត។ ការធ្វើ​បែបនេះ​អាច​ដុតបំផ្លាញ​ជាតិ​ខ្លាញ់​បាន​លឿន ជួយ​បង្កើន​ថាមពល បន្ធូរ​ភាព​តានតឹង និង​ធ្វើ​ឲ្យ​គេង​លក់​ស្រួល​ផងដែរ។

៤.កុំ​រំលង​អាហារ​ពេលព្រឹក

អ្នក​ត្រូវ​ប្រា​ដក​ថា​ញ៉ាំ​អាហារ​ពេលព្រឹក​ដែល​សម្បូរ​ជាតិ​សរសៃ​ជានិច្ច ហើយ​ផឹកទឹក​ឲ្យ​បាន​ច្រើន។ ការធ្វើ​បែបនេះ​អាចជួយ​ឲ្យ​អ្នក​ស្រក​ទម្ងន់​បាន​លឿន ដោយ​មិនបាច់​តម​អាហារ​នាំ​ឲ្យ​គ្រោះថ្នាក់​ដល់​សុខភាព និង​ខ្វះ​ថា​ម​ពេល​សម្រាប់​បំពេញ​ការពារ​ប្រចាំថ្ងៃ។

៥.ស្វែងរក​ជំនួយ

វិធី​ចុងក្រោយ អ្នក​ត្រូវសុំ​ជំនួយ​ពី​គ្រូពេទ្យ​អំពី​ការកំណត់​របប​អាហារ ឬ​វិធី​សម្រក​ម្ង​ន់​ដែលមាន​សុវត្ថិភាព ព្រោះ​ក្រោយពេល​សម្រាល​រាង​កំពុងតែ​ទន់ខ្សោយ​ត្រូវការ​ព្យាបាល​ឡើងវិញ។

អនុវត្តតាម​វិធី​បញ្ចុះទម្ងន់​ខាងលើនេះ ក្នុង​រយៈពេល៦សប្តាហ៍​អ្នកនឹង​ចាប់ផ្តើម​ឃើញ​លទ្ធផល ហើយ​មិន​ខូចសុខភាព​ឡើយ។ តែ​ចាំ​ថា​គ្រប់យ៉ាង​ត្រូវការ​ពេលវេលា ដូច្នេះ​សូមកុំ​ធ្វើការ​សម្រក​ទម្ងន់​ដោយ​ប្រើ​វិធី​ដែលមាន​គ្រោះថ្នាក់​ឲ្យ​សោះ៕