តើយើងអាចដឹងយ៉ាងម៉េចបានថាទារកទើបនឹងកើតកំពុងតែឈឺ? វាពិតជាពិបាកនឹងដឹងខ្លាំងណាស់ ព្រោះទារកទើបនឹងកើតមិនចេះនិយាយស្តីដូចមនុស្សធំឡើយ គឺដឹងតែពីយំតែមួយមុខគត់។ ក៏ប៉ុន្តែក្រៅពីការស្រែកយំអាណាព្យាបាលទាំងឡាយអាចដឹងថាទារកកំពុងតែឈឺ តាមរយៈរោគសញ្ញាមួយចំនួនដូចខាងក្រោម៖
១.ក្តៅខ្លួន៣៨អង្សាសេឡើងទៅ
២.ការដកដង្ហើមលឿន ឬខំប្រឹងដកដង្ហើម
៣.ក្អួតចង្អោរ
៤.កើតមានបញ្ហាហើម ឬស្បែកក្រហម ហើយធំក្លិនមិនល្អពីទងផ្ចិត
៥.ស្បែក ឬភ្នែកមានពណ៌លឿង
៦.មិនបៅដោះ
៧.គេងយូរក្រោកមិនរួច
៨.មានឈាមនៅក្នុងលាមក
ប្រសិនបើអ្នកសង្កេតឃើញរោគសញ្ញាណាមួយដូចខាងលើនេះ ត្រូវប្រញាប់នាំកូនទៅមន្ទីរពេទ្យដើម្បីពិនិត្យ និងធ្វើការព្យាបាលឲ្យទាន់ពេលវេលាភ្លាមៗ៕
