ជាមធ្យមទារកចាប់ផ្តើមចេះវារតិចៗនៅអាយុ ៨ខែឡើងទៅ ប៉ុន្តែទារកភាគច្រើនអាចត្រូវរងចាំពេលយូរជាងនេះ ហើយមានខ្លះទៀតអាចរំលងដំណាក់កាលនេះចោលតែម្តង។ ប្រសិនបើកូនរបស់អ្នកគ្មានបញ្ហាក្នុងការអភិវឌ្ឍន៍លើកលែងតែចំណុចនេះ តែពួកគេអាចក្រោកអង្គុយខ្លួនឯងដោយគ្មានការជួយ ការចាប់កាន់វត្ថុផ្សេងៗដោយដៃទាំងពីរ ការប្រើដៃនិងជើងរួមគ្នា ឬក្រោកឈរបានដោយខ្លួនឯង អ្នកមិនចាំបាច់ព្រួយបារម្ភនោះទេ។
ដើម្បីបង្រៀនកូនរបស់អ្នកឲ្យឆាប់ចេះវារ ចូរដាក់ប្រដាប់់ក្មេងលេងនៅឲ្យឆ្ងាយពីដៃពួកគេ ហើយចាំមើលថាពួកគេអាចព្យាយាមទៅដល់គោដៅបានដែរឬទេ។ ការលូរ ឬវាអាចមានភាពយឺតយូរបន្តិចមុននឹងទៅដល់របស់លេង ប៉ុន្តែវាមិនមែនជាបញ្ហាទេ។ ទារកខ្លះចេះវារ និងបន្តោងទាញខ្លួនឯងឡើងឈរដោយគ្មានជំនួយពីអ្នកណា ហើយចុងក្រោយអាចដើរដោយខ្លួនឯងបានយ៉ាងល្អ។ នៅមានទារកខ្លះធ្វើការផ្លាស់ប្តូរទី ដោយរមៀលនៅលើឥដ្ឋ ប្រើគូថរំកិល ឬលូនជាដើម។
និយាយរួមទោះបីជាកូនរបស់អ្នកមិនចេះវារក៏ដោយ ប៉ុន្តែប្រសិនបើពួកគេមិនបញ្ហាក្នុងការអភិវឌ្ឍន៍ណាមួយ វាគ្មានបញ្ហាដែលអ្នកត្រូវព្រួយបារម្ភឡើយ៕
