វិធី​ជួយ​សម្រាល​ទុក្ខលំបាក​ភរិយា​ក្នុងពេល​សម្រាល

0

ក្នុងពេល​សម្រាល​ស្វាមី​គ្រប់រូប​មិនបាន​គិតដល់​រឿង​ជួយ​បន្ធូរបន្ថយ​ភាពលំបាក​របស់​ប្រពន្ធ​នោះទេ គឺ​គិតតែ​ពី​ភ័យ​អរ និង​ធ្វើការ​បន់ស្រន់​ក្នុង​ចិត្ត​ឲ្យ​សម្រាលឆាប់ៗប៉ុណ្ណោះ។ ប៉ុន្តែ​បើ​អ្នកដឹង​ពី​គន្លឹះ​មួយចំនួន​ដែល​អាចជួយ​បន្ធូរបន្ថយ​ផល​លំបាក​របស់​ភរិយា​ក្នុង​គ្រានេះ​បាន គឺ​ប្រសើរ​ជាង។

១.ម៉ាស្សា​មុខ​របស់​នាង ដើម្បី​ជួយ​បញ្ចេញ​ភាព​តានតឹង និង​មាន​អារម្មណ៍​ធូរស្រាល។

២.ត្រូវ​រំលឹក​ឲ្យ​ទៅ​បន្ទប់ទឹក​រាល់១ម៉ោង​ម្តង ព្រោះ​ប្លោកនោម​ពេញ​មិន​ត្រឹមតែ​មិន​ស្រួល​ក្នុង​ខ្លួន​នោះទេ វា​អាច​បង្អាក់​ដល់​ការ​សម្រាល​ថែមទៀត។

៣.ព្យាយាម​យក​ទឹកកក​ស្អំ​នៅលើ ក និង​មុខ​របស់​នាង។ សូម្បីតែ​ការ​ជូត​សម្អាត​ផ្ទៃមុខ​របស់​នាងថ្នមៗ ក៏​អាចជួយ​ឲ្យ​នាង​មាន​អារម្មណ៍ល្អ​ក្នុងការ​សម្រាល​ផងដែរ។

៤.លើកទឹកចិត្ត​ឲ្យ​នាង​ផឹកទឹក និង​ញ៉ាំ​អាហារផ្សេងៗ ដើម្បី​ផ្តល់​ថា​ម​ពេល​សម្រាប់​ប្រើប្រាស់​ពេល​សម្រាល។

៥.ប្រសិនបើ​នាង​ឈឺ​ខ្នង ត្រូវ​ឲ្យ​នាង​លត់​ច​ង្គ​ង់​ចុះ ដៃ​ច្រត់​ទៅលើ​ឥដ្ឋ ហើយ​អ្នក​ត្រូវ​ប្រើ​ដៃ​ម៉ាស្សាតិចៗ វា​ក៏​អាចជួយ​បំបាត់​ការឈឺចាប់​ដែរ។

៦.ត្រូវ​ឈរ​ក្បែរ​នាង​ជានិច្ច​ក្នុងពេល​សម្រាល ដើម្បី​ឲ្យ​នាង​មាន​ភាពកក់ក្តៅ តែ​កុំ​ភ្លេច​និយាយ​លើកទឹកចិត្ត​នាង​ផង៕