៣សំនួរ​សម្រាប់​ទារក និង​ជំងឺ COVID-19  ដែល​អ្នក​ត្រូវ​ដឹង

0

នៅពេលដែលកូនៗរបស់​យើង​ធំ​ឡើង​ក្នុង​យុគសម័យ COVID-19  ដែល​កំពុងតែ​រីក​រាលដាល​ពាសពេញ​ពិភពលោក បានធ្វើ​ឲ្យ​អ្នក​ម្តាយ​ជាច្រើន​នៅតែមាន​ការព្រួយបារម្ភ ហើយ​មាន​សំនួរ​ជាច្រើន​ដក់​ជាប់​ក្នុង​ខួរក្បាល​របស់​ពួកគេ​នៅ​រៀងរាល់​ព្រឹក។ តើ​កូន​របស់ខ្ញុំ​មាន​ជំងឺ COVID-19  ទេ? តើ​គួរ​ការពារ​ជំងឺ​នេះ​យ៉ាងដូចម្តេច? ហើយ​មាន​សំនួរ​គួរ​ឲ្យ​ចាប់អារម្មណ៍​ផងដែរ ដែល​ត្រូវការ​ច​ម្លើ​ប ដើម្បី​បំបាត់​ភាព​ងឿងឆ្ងល់​របស់​ឪពុកម្តាយ​ទាំងអស់នោះ។

១.តើ​ក្មេង​អាច​ឆ្លង​ជំងឺ COVID-19  ទេ?

ភ្នាក់ងា​យ​បង្ក​រោគ​នេះ​អាច​រស់នៅ​យ៉ាង​សម្ងាត់​គ្រប់កន្លែង​ទាំងអស់ មិន​ថា​ទឹកមាត់ ទឹកសំបោរ ស្លេស ទឹកភ្នែក​ជាដើម។ ប្រសិនបើ​កូន​របស់​អ្នក​ខ្វះ​ការការពារ ឱកាស​ឆ្លង​ជំងឺ​នឹង​កើតមានឡើង។ ដូច្នេះ​អ្នក​ត្រូវ​ព្យាយាម​ទម្លាប់​ឲ្យ​កូន​លាង​សម្អាត​ដៃ​ញឹកញាប់ ដើម្បី​ជៀសវាង​ហានិភ័យ​នៃ​ការឆ្លង​ជំងឺ COVID-19  ។

២.ជំងឺ COVID-19  អាច​ឆ្លង​តាមរយៈ​ការ​មាន​ផ្ទៃពោះ​ពី​ម្តាយ​ទៅ​កូន​ដែរឬទេ?

យោងតាម​ស្ថិតិ​ពី​អ្នកជំងឺ​នៅ​ទីក្រុង​វូ​ហាន ប្រទេស​ចិន មាន​ម្តាយ​ពពោះ​ប្រមាណ ៩នាក់ ដែល​ឆ្លង​វីរុស COVID-19  ប៉ុន្តែ​កូន​របស់​ពួកគេ​នៅតែ​មិនទាន់​ឆ្លង​នៅឡើយ ហើយ​ត្រូវបាន​គេ​ជឿជាក់ថា អាច​នឹង​ឆ្លង​ជំងឺ​ដែរ។ នេះ​មិនមែន​មេរោគ​អាច​ការឆ្លង​ទៅកាន់​ទារក​តាមរយៈ​ទឹកភ្លោះ ទឹកដោះ ឬ​ឈាម​នោ​ហ​ទេ តែ​វា​អាចមាន​ឥទ្ធិពល​ធ្វើ​ឲ្យ​ទារក​ខ្សោយ​ជាង​មុន។ អ្នកជំនាញ​បាន​រកឃើញ​ទៀតថា កុមារ​ម្នា​ក់បាន​ឆ្លង​មេរោគ COVID-19  រយៈពេល ៣០ម៉ោង​ក្រោយពេល​កើត មានន័យថា​ពេល​នៅក្នុង​ពោះ​ទារក​មិន​ឆ្លង​ទេ។ ទោះជា​យ៉ាងណា​អ្នកជំនាញ​មិន​ធានា​លទ្ធភាព​នាពេល​អ​នា​គត់​នោះទេ។

៣.ម្តាយ​ឆ្លង​ជំងឺ COVID-19  តើ​អាច​បំបៅ​ដោះ​បានទេ?

យោងតាម​អង្គការ​យូ​នី​សេ​ហ្វ បាន​បង្ហាញថា ទោះបីជា​អ្នក​ម្តាយ​ក៏​ឆ្លង​វីរុស COVID-19 ក៏ដោយ ពួកគេ​នៅតែ​អាច​បំបៅ​ដោះ​កូន​បាន​ដដែល គ្រាន់តែ​ត្រូវ​ពាក់​មាស់​ឲ្យ​បាន​ត្រឹមត្រូវ ដើម្បី​ការពារ​ការរីក​រាលដាល​នៃ​ជំងឺ។ ម្យ៉ាងវិញទៀត​អ្នក​ម្តាយ​ត្រូវ​លាង​សម្អាត​ដៃ​ជាមួយនឹង​ទឹក​អនាម័យ ឬ​សាប៊ូ​មុនពេល និង​ក្រោយពេល​ប៉ះពាល់​ទារក។

អ្វីដែល​សំខាន់​ក្នុងការ​ប្រយុទ្ធ​ប្រឆាំងនឹង​ជំងឺ​នេះ គឺ​ត្រូវ​យកចិត្តទុកដាក់​ទៅលើ​អនាម័យ ហើយ​អនុវត្ត​ទម្លាប់​ឲ្យ​កុមារ​លាង​សម្អាត​ដៃ​ជានិច្ច និង​ជៀសវាង​ការប្រើ​ដៃ​ប៉ះពាល់​ផ្ទៃមុខ។ ដោយសារតែ​យើង​មិនបាន​ដឹងថា ដៃ​មាន​ផ្ទុកមេរោគ ឬ​មិនមាន​នោះទេ។ ម្យ៉ាងទៀត អ្នក​ត្រូវ​បង្រៀន​កូន​ឲ្យ​ចេះ​ប្រើ​ស្លាបព្រា​ដួស​អាហារ ហើយ​អាហារ​សម្រាប់​ទទួលទាន​ទៀតសោធ ត្រូវតែ​ក្តៅ​គ្រប់ពេល ដើម្បី​ថែរក្សា​សុខភាព និង​កសាង​ប្រព័ន្ធ​ភាពស៊ាំ​ឲ្យ​រឹងមាំ៕