ប្រយ័ត្ន! ឲ្យ​កូន​ញ៉ាំ​ចេក​មុន​អាយុ៦ខែ អាច​គ្រោះថ្នាក់​ដល់​ជីវិត

0

គ្រប់គ្នា​ប្រហែលជា​ធ្លាប់​លឺ​ហើយ​ថា ចេក​ជា​អាហារ​បំប៉ន​ដ៏​ល្អ​បំផុត​សម្រាប់​ទារក ហើយ​មាន​ឪពុកម្តាយ​មួយចំនួន​បានផ្តល់​ចេក​ជា​អាហារ​ដ៏​កូន​ចាប់តាំងពី​ពួកគេ​មាន​អាយុ ១ដល់ ៣ខែ​មកម្ល៉េះ។ ប៉ុន្តែ​អ្នក​ទាំងនោះ​មិនទាន់​ដឹង​ទេ​ថា វា​អាច​បង្ក​គ្រោះថ្នាក់​ដល់​សុខភាព​កូន​រហូតដល់​ស្លាប់។

តើ​ការផ្តល់​ចេក​ជា​អាហារ​ដល់​កូន​ក្រោម​អាយុ៦ខែ មាន​គ្រោះថ្នាក់​អ្វីខ្លះ?

១.ប្រយ័ត្ន​ចំពោះ​ការស្ទះ​ពោះវៀន

ទារក​នៅ​តូច​ពេក​ប្រព័ន្ធ​រំលាយ​អាហារ មិនអាច​រំលាយ​អាហារ​អ្វី​ក្រៅពី​ទឹកដោះ​ម្តាយ​នោះទេ។ ដូច្នេះ​ប្រសិនបើ​អ្នកផ្តល់​ឲ្យ​កូន​ញ៉ាំ​ចេក​សុទ្ធ អាច​ស្ទះ​ពោះវៀន ហើយ​នៅក្នុង​ស្ថានភាព​ធ្ងន់ធ្ងរ​អា​ចប​ណ្តោ​ល​ឲ្យ​គ្រោះថ្នាក់​ដល់​ជីវិត។

២.ហានិភ័យ​នៃ​ការស្ទះ​ដង្ហើម

ទារក​មិនមាន​ធ្មេញ​សម្រាប់​ខាំ ឬ​ទំពារ​អាហារ​ឲ្យ​ម៉ត់​មុននឹង​លេប​ចូលក្នុង​ពោះ​ដូច​មនុស្ស​ធំ​បាន​នោះទេ សូម្បីតែ​ចេកទុំ​ជា​អាហារទន់។ ប្រសិនបើ​អ្នក​ឲ្យ​កូន​ទទួលទាន​អា​ចប​ណ្តោ​ល​ឲ្យ​ស្លាក់ ស្ទះដង្ហើម​ស្លាប់​បាន ហើយ​ករណី​មួយចំនួន​អាច​ប៉ះពាល់​ដល់​ជំងឺ​រលាក​សួត​ផងដែរ។

៣.ខកខាន​ឱកាស​ទទួលបាន​សារធាតុចិញ្ចឹម​ត្រឹមត្រូវ​ពី​ទឹកដោះ​ម្តាយ

អ្នក​ប្រហែលជា​បានដឹងហើយថា អាហារូបត្ថម្ភ​សម្រាប់​កុមារ គឺ​គ្មានអ្វី​ប្រសើរ​ជាង​ទឹកដោះ​ម្តាយ​ទេ។ ដោយសារតែ​ពួកគេ​មាន​ប្រព័ន្ធ​ភាពស៊ាំ​ទាប និង​ត្រូវការ​សារធាតុចិញ្ចឹម​ដែល​ចាំបាច់ ដូច្នេះ​ប្រសិនបើ​កុមារ​ប្តូរ​ទៅ​ញ៉ាំ​ចេក​សុទ្ធ អាច​នាំ​ឲ្យ​ខ្វះ​សារធាតុចិញ្ចឹម​ចាំបាច់ ហើយ​កូន​ក្លាយជា​ឈឺ​ផងដែរ។

ការពិត​កុមារ​ក្រោម​អាយុ៦ខែ ត្រូវបាន​ណែនាំ​ឲ្យ​បៅ​ទឹកដោះ​ម្តាយ​តែមួយ​មុខ​គត់ កុំ​ផ្តល់​អាហារ​អ្វី​ផ្សេងទៀត​ឲ្យ​កូន​សោះ។ មិនថាតែ​ចេក ឬអ្វី​ក៏ដោយ ព្រោះ​ប្រព័ន្ធ​រំលាយ​អាហារ​របស់​ក្មេង​មិនទាន់​ដំណើរការបាន​ពេញលេញ​នៅឡើយ៕