វិធី​ដោះស្រាយ​ចំពោះ​កូន​ដែល​ចូលចិត្ត​យំ​ននៀល​ដី

0

នៅពេល​ទៅ​ផ្សា​កូន​របស់​អ្នក​ចូលចិត្ត​តាម​មែន​ទេ? បើ​មិន​ឲ្យ​ទៅ​ពួកគេ​នឹង​យំ​ននៀល​ដី​មែន​ទេ? ឬ​នៅពេល​ពួកគេ​ចង់បាន​របស់​អ្វីមួយ​តែងតែ​ស្រែកយំ​ធ្វើ​ឲ្យ​អ្នក​ខ្មាស់​គេ​មែន​ទេ? នេះ​ជា​អាកា​ប្ប​កិរិយា​មិនល្អ​ឡើយ​សម្រាប់កូនៗ ប៉ុន្តែ​យើង​មាន​វិធី​មួយចំនួន​ដែល​អាច​ទប់ទល់​ជាមួយនឹង​កូន​ដែលមាន​ច​រិ​ក​បែបនេះ។

១.ស្វែងរក​បញ្ហា​របស់​កូន

រឿង​ដំបូង​ដែល​ឪពុកម្តាយ​ត្រូវធ្វើ គឺ​ត្រូវតែ​ដឹងខ្លួន​ឡើងវិញ និង​ស្វែងយល់​បន្តិចម្តងៗពី​មូលហេតុ​នៃ​អាកា​ប្ប​កិរិយា​មិន​សមរម្យ​របស់​ពួកគេ។ ជួនកាល​ពួកគេ​អាចធ្វើ​ត្រាប់​តាម​ក្មេង​ដែល​នៅ​ជិតខាង ឬ​តាម​ខ្សែភាពយន្តផ្សេង។

២.កុំ​ប្រើ​អារម្មណ៍​ប្រឆាំង

បន្ទាប់ពី​ឃើញ​អាកា​ប្ប​កិរិយា​របស់​កូន​ហើយ រឿង​មួយ​ដែល​ត្រូវបាន​ហាម គឺ​កុំ​ប្រើ​អារម្មណ៍​ប្រឆាំង​ជាមួយនឹង​កូន។ ប៉ុន្តែ​ត្រូវ​ប្រើ​ភាពស្ងប់ស្ងាត់ មិន​ថា​ក្មេង​កំពុង​យំ​ព្យាយាម​ននៀល​ដី​ក៏ដោយ។ ទុក​ឲ្យ​ពួកគេ​ធ្វើបែបនេះ​រហូត​ទាល់តែ​ឈប់​ដោយ​ខ្លួនឯង មិនចាំបាច់​បង្ហាញ​អារម្មណ៍​មិន​សប្បាយចិត្ត ឬ​អាណិតអាសូ​ទេ ព្រោះ​វា​នឹងធ្វើ​ឲ្យ​កូន​កាន់តែ​បានចិត្ត។

៣.បង្កើត​ការពិន័យ និង​ការសន្យា

នៅពេល​កូន​ចាប់ផ្តើម​ឈប់​យំ អ្នក​គួរ​បង្កើត​លក្ខខណ្ឌ​ជាមួយនឹងកូនៗ ថាបើ​កូន​យំ​បែបនេះ​នៅ​ទី​សារ​ធារ​ណៈ​ម្តងទៀត និង​ត្រូវ​ទុក​ឲ្យ​នៅក្រៅ​ផ្ទះ១សប្តាហ៍ និង​ពន្យល់​ពី​មូលហេតុ​សម្រាប់​ការដាក់ទណ្ឌកម្ម​នៃ​ឥរិយាបថ​មិនល្អ​បែបនេះ។ នៅពេលដែល​កូន​របស់​អ្នក​យល់ សូម​ឱប​ពួកគេថ្នមៗ ហើយ​បង្រៀន​គាត់​ឲ្យ​ដឹងថា អ្នក​ពិតជា​ស្រឡាញ់​គាត់​ណាស់។

៤.កូន​យំ​កាន់តែខ្លាំង អ្នក​កាន់តែ​នៅ​ឲ្យ​ស្ងៀម

នៅពេលដែល​កូន​កំពុងតែ​ស្រែកយំ​ដោយសារតែ​ភាព​ចង់​ឈ្នេះ សូមកុំ​ប្រើ​អំពើហិង្សា​ឲ្យ​សោះ ព្រោះ​វា​នឹងធ្វើ​ឲ្យ​ពួកគេ​មាន​របួសស្នាម​នៅក្នុង​បេះដូង។ ប្រសិនបើ​អ្នក​ចង់​ឲ្យ​កូន​មាន​ហេតុផល យើង​ត្រូវមាន​ហេតុផល​បង្ហាញ​ឲ្យ​កូន​ឃើញ​ជាមុនសិន។ ដូច្នេះ​ត្រូវ​ចាំ​ថា ការអត់ធ្មត់​កាន់តែច្រើន អ្នក​ក្លាយជា​ឪពុកម្តាយ​កាន់តែ​ល្អ​នៅក្នុង​ក្រសែភ្នែក​កូន។

៥.ការលើកទឹកចិត្ត

បង្កើត​ការលើកទឹកចិត្ត​ក្នុងការ​ធ្វើជា​កូន​ល្អ ហើយ​ត្រូវធ្វើ​វា​រាល់​ពេលដែល​កូន​ធ្វើ​រឿងល្អៗ ដោយ​សម្តែង​តាមរយៈ​កាយវិការ​ដូចជា​ការនិយាយ​សរសើរ ការ​ឱប​ពោរពេញ​ទៅដោយ​ស្នាមញញឹម។ រូបភាព​នេះហើយ​ដែល​ធ្វើ​ឲ្យ​កូន​មាន​អារម្មណ៍​ចង់​ធ្វើ​វា​ម្តង ហើយ​ញៀន​នឹង​ការធ្វើជា​ក្មេង​ល្អ។

បច្ចេកទេស​ទាំងនេះ​គ្រាន់តែ​ជា​ផ្នែក​ចិត្តសាស្ត្រ​តូច​មួយ​ប៉ុណ្ណោះ តែ​ប្រសិនបើ​ឪពុកម្តាយ​ទាំងឡាយ​អាចធ្វើ​បាន កូន​របស់​អ្នកនឹង​ក្លាយជា​ក្មេង​ល្អ មិនមាន​ច​រិ​ក​រឹង​រួស ឬ​យំ​ននៀល​ដី​ទៀត​ទេ៕