ពេលកូនផ្តាសាយ ហៀរសំបោរ ហេតុអ្វីត្រូវលាងចម្រុះជាមួយទឹកអំបិល?

0

ផ្តាសាយ គឺជាជំងឺទូទៅមួយប្រភេទដែលអាចយាយីមកលើកកុមារគ្រប់ពេលវេលា ជាពិសសេសនារដូវរងា។ កុមារដែលកើតជំងឺនេះអាចមានអាការក្តៅខ្លួន ឈឺក្បាល មិនចង់ញ៉ាំអាហារ​ កណ្តោស់ ជាពិសេសហៀរសំបោរពិបាកដកង្ហើមតែម្តង។

នៅពេលកើតជំងឺផ្តាសាយ អ្នកជំនាញបានណែនាំឲ្យឪពុកម្តាយទាំងឡាយប្រើប្រាស់ទឹកអំបិល ដើម្បីលាងសម្អាតច្រមុះ ព្រោះផ្តល់អត្ថប្រយោជន៍មួយចំនួន។

១.កាត់បន្ថយរោគសញ្ញារ៉ាំរ៉ៃនៃជំងឺផ្តាសាយ បំបាត់អាការៈហៀរសំបោរ និងរមាស់នៅក្នុងច្រមុះ។

២.លាងសម្អាតភាពកខ្វក់ និងមេរោគ រួមទាំងសំបោរជាប់ក្នុងប្រហោងច្រមុះ។

៣.ការពាររោគសញ្ញាមិនឲ្យរីករាលដាលដល់សួត។

៤.ជួយគ្រប់គ្រងភ្នាសរឹងនៃច្រមុះ បន្ទាប់ពីការវះកាត់ច្រមុះ ឬហោងឆ្អឹងច្រមុះ។

៥.ជួយបណ្តេញស្លេស ឬសំបោរបានយ៉ាងមានប្រសិទ្ធភាព។

ទាំងអស់នេះហើយ គឺជាអត្ថប្រយោជន៍នៃការប្រើប្រាស់ទឹកអំបិលដើម្បីលាងសម្អាតច្រមុះ ដូច្នេះសូមឪពុកម្តាយទាំងឡាយកុំភ្លេចប្រើវិធីមួយនេះនៅពេលកូនកើតជំងឺផ្តាសាយ៕