កង្វះ​សារធាតុចិញ្ចឹម​សំខាន់​មួយ​នេះ កុមារ​អាច​ស្លាប់​បាន

0

ជាតិ​ដែក ត្រូវបាន​គេ​ចាត់ទុកជា​សារធាតុ​រ៉ែ​ដ៏​សំខាន់បំផុត​ដែលមាន​តួនាទី​ថែរក្សា​សុខភាព​ទាំង​ម្តាយ និង​ទារក។ ជា​ពិស​សេ វា​ជួយ​ដឹកជញ្ជូន​អុកស៊ីសែន និង​ផ្លាស់ប្តូរ​ទី​អុកស៊ីសែន​ពី​សួត​ទៅកាន់​ផ្នែក​ផ្សេងទៀត​នៃ​រាងកាយ​អ្នក​ម្តាយ និង​ទារក​ក្នុង​ផ្ទៃ។ អ្នក​ម្តាយ​ដែល​ទទួលទាន​ជាតិ​ដែក​គ្រប់គ្រាន់ អាចជួយ​ការពារ​ពី​ភាព​ស្លេក​សាំង និង​កាត់បន្ថយ​ឱកាស​កូន​កើតមុន​ខែ។

ប៉ុន្តែ ប្រសិនបើ​កុមារ​ខ្វះ​ជាតិ​ដែក​វិញ​នោះ តើ​មាន​ផលប៉ះពាល់​អ្វីខ្លះ?

ការខ្វះ​ជាតិ​ដែក ភាគច្រើន​កើតមាន​ចំពោះ​ទារក​កើត​មិន​គ្រប់​ខែ ដែលមាន​អាយុ​ចាប់ពី ៦ខែ​រហូតដល់ ៣ឆ្នាំ។ ប្រសិនបើ​កុមារ​ខ្វះ​ជាតិ​ដែក​ធ្ងន់ធ្ងរ អា​ចប​ណ្តោ​ល​ឲ្យ​មាន​គ្រោះថ្នាក់​ដល់​ជីវិត​បាន។

១.ធ្វើ​ឲ្យ​ទារក​មាន​ភាពស្លេកស្លាំង

២.បាត់បង់​ចំណង់​អាហារ

៣.ឆាប់​ហត់ គ្មាន​កម្លាំងកំហែង

៤.ងាយ​នឹង​ដង្ហក់

៥.ជះឥទ្ធិពល​ដោយផ្ទាល់​ទៅលើ IQ របស់​កុមារ

៦.ចង្វាក់បេះដូង​លោត​ញាប់

៧.ករណីខ្លះ​ប្រសិនបើ​មាន​បញ្ហា​ធ្ងន់ធ្ងរ កុមារ​អាចមាន​បញ្ហា​បេះដូង​រីក​ធំ និង​គាំងបេះដូង​ស្លាប់​បាន។

ដូច្នេះ​ដើម្បី​ថែ​ទាំង​កូន​កុំ​ឲ្យ​ខ្វះ​ជាតិ​ដែក អ្នក​ម្តាយ​គួរតែ​ផ្តល់​អាហារ​មួយចំនួន​ដល់​កូន រួមមាន សាច់គោ សាច់ជ្រូក សាច់មាន់ ថ្លើម​សត្វ ស៊ុត ក៏ដូចជា​សណ្តែក​ជាដើម។ មួយវិញទៀត​អ្នក​អាច​ឲ្យ​កូន​លេបថ្នាំ​បំប៉ន​ជាតិ​ដែក តាម​ការណែនាំ​របស់​គ្រូពេទ្យ ក៏​អាចជួយ​បំពេញ​ជាតិ​ដែក​គ្រប់គ្រាន់​ដល់​កូន​ផងដែរ៕