ម៉ាក់ៗគួរដឹង៧ចំណុចនេះ មុនពេលធ្វើលំហាត់ប្រាណ!

0

ការធ្វើលំហាត់ប្រាណស្រាលៗអំឡុងពេលមានផ្ទៃពោះដូចជា ដើរ ហែលទឹក ឬធ្វើយូហ្គា ត្រូវបានគេចាត់ទុកជាលំហាត់ប្រាណដែលមានសុវត្ថិភាព និងល្អសម្រាប់សុខភាពទាំងម្តាយ ព្រមទាំងកូន។ ជាទូទៅការធ្វើលំហាត់ប្រាណនេះ ត្រូវបានគេអនុញ្ញាតចាប់ពី១០ទៅ ១៥នាទីក្នុងមួយថ្ងៃ បន្ទាប់មកកែសម្រួលពេលវេលាបន្តិចម្តងៗដល់ ៣០នាទីក្នុងមួយថ្ងៃ នឹងមួយសប្តាហ៍អនុវត្តឲ្យបាន៥ដង។

ទោះជាយ៉ាងណាអំឡុងពេលធ្វើលំហាត់ប្រាណ មានកត្តាមួយចំនួនអ្នកម៉ាក់ត្រូវតែមានការប្រុងប្រយ័ត្នផងដែរ ព្រោះវាអាចបង្កឲ្យមានគ្រោះថ្នាក់។

១.ចំពោះអ្នកម្តាយដែលពពោះអាយុ៤ខែ ត្រូវជៀសវាងធ្វើលំហាត់ប្រាណនៅទីតាំងលើកខ្លួនមួយកំណាត់ក្រោមយូរជាង ៥នាទី ឬទីតាំងដែលពិបាកដកដង្ហើម។ ដោយសារតែវាមានហានិភ័យឈាមរត់ទៅកាន់បេះដូងតិច និងដួលសន្លប់។

២.វាទទួលទានទឹក ៦ទៅ៨កែវក្នុងមួយថ្ងៃ ឬច្រើនជាងនេះដើម្បីទប់ស្តាត់ការបាត់បង់ជាតិទឹក ដោយសារតែការបញ្ចេញញើសនៅពេលហាត់ប្រាណ។

៣.បន្ធូរសាច់ដុំរបស់អ្នកដោយលាតសន្ធឹងរយៈពេល៣ទៅ៥នាទី មុនពេលបញ្ចប់លំហាត់ប្រាណ។ ដើម្បីកាត់បន្ថយការកន្ត្រាក់សាច់ដុំបង្ការការរងរបួស។

៤.បញ្ឈប់ការធ្វើលំហាត់ប្រាណសម្រាប់អ្នកម្តាយដែលមានជំងឺលើសឈាម ទឹកនោមផ្អែម បេះដូង សរសៃឈាម និងជំងឺផ្លូវដង្ហើម។ ឬពិគ្រោះជាមួយគ្រូពេទ្យមុននឹងធ្វើលំហាត់ប្រាណ។

៥.ប្រសិនបើមានអាការឈឺឆ្អឹងខ្នង ឈឺពោះ ដង្ហើមខ្លី ឈឺទ្រូង ខ្សោយ ដួលសន្លប់ ឬហូរឈាមតាមទ្វារមាស គួរតែជៀសវាងធ្វើលំហាត់ប្រាណ និងទៅជួបគ្រូពេទ្យឲ្យបានឆាប់។

៦.ពាក់ស្បែកជើង និងស្លៀកពាក់ឲ្យបានសមស្របសម្រាប់ការធ្វើលំហាត់ប្រាណ រួមទាំងស្បែកជើងប៉ាតា សម្លៀកបំពាក់យឺតៗស្រួលធ្វើចលនា និងមានខ្សែក្រវ៉ាត់ទ្រពោះផងដែរ។

៧.កុំបរិភោគអាហារ ២ម៉ោងមុនពេលហាត់ប្រាណ ដើម្បីកាត់បន្ថយការច្រាល់ជាតិអាស៊ីត ឬអាហារក្នុងក្រពះ។

បើអ្នកនៅតែមានការសង្ស័យ និងខ្លាចផលប៉ះពាល់ អ្នកគួរតែពិភាក្សាជាមួយគ្រូពេទ្យអំពីការធ្វើលំហាត់ប្រាណជាមុនសិន មុននឹងធ្វើលំហាត់ប្រាណ៕