ទារក​មិន​ព្រម​ឈប់​មឹ​ម​ដប តើ​មាន​គ្រោះថ្នាក់​ដល់​សុខភាព​ទេ?

0

តាមច្បាប់​ធម្មជាតិ​ទារក​ជៀស​មិន​ផុតពី​ការ​បៅដោះ​ម្តាយ​នោះទេ ហើយ​វិ​វត្ត​ទៅរក​បដ​នៅពេល​ក្រោយ ដោយសារតែ​អ្នក​ម្តាយ​រវល់​ជាមួយនឹង​ការងារ។ ប៉ុន្តែ​ការ​បណ្តោយ​ឲ្យ​កូន​មិន​ដោយ​ទឹកដោះ​ដោយ​ប្រើ​ដប​យូរ​លើសពី​អាយុ ៦ខែ វា​មិនល្អ​សម្រាប់​សុខភាព​នោះទេ ហើយក៏​មាន​ភាព​ពិបាក​ក្នុងការ​បញ្ឈប់​ទម្លាប់រ​បស់​ពួកគេ​ដែរ។

គ្រូពេទ្យ​កុមារ​ភាគច្រើន​ណែនាំ​ឲ្យ​ទារក​បញ្ឈប់​មឹ​ម​ដប​ត្រឹម​អាយុ៦ខែ ហើយ​ក្រោយ​រយៈពេល៦ខែ តម្រូវ​ឲ្យ​ឪពុកម្តាយ បង្រៀន​កូន​ឲ្យ​ញ៉ាំ​ទឹក​ដោយ​ប្រើ​កែវ ឬ​បំពង​បឺត។ ព្រោះ​នៅពេលដែល​អ្នក​ផ្តាច់​ទម្លាប់​កូន​យឺត​ពេល​ជាង​នេះ​អាចមាន​ផល​ពិបាក​មួយចំនួន។

១.ធ្មេញ​កូន​ដុះ​មិន​ស្មើ

ដោយសារតែ​កំឡុង​អាយុ​លើ ៦ខែ ធ្មេញ​របស់​កូន​ចាប់ផ្តើម​លូតលាស់។ ដូច្នេះ​ប្រសិនបើ​អ្នក​នៅតែមាន​ទម្លាប់​ឲ្យ​កូន​ញ៉ាំ​ទឹកដោះគោ ដោយ​ប្រើ​ដប​មុនពេល​ចូល​គេង ពួកគេ​នឹងមាន​ធ្មេញ​ដុះ​មិន​ស្មើគ្នា​ឡើយ។

២.កូន​ក្លាយជា​ក្មេង​ធាត់

ឈានដល់​វ័យ ៦ខែ ទឹកដោះ​តែមួយ​មុខ​មិនអាច​ផ្តល់​សារធាតុចិញ្ចឹម​គ្រប់គ្រាន់​សម្រាប់​ទារក​នោះទេ។ នៅពេលដែល​ក្មេង​នៅតែ​បៅ​ទឹកដោះ ហើយ​មិន​អើពើ​នឹង​ការបរិភោគ​អាហារ​បន្ថែម នឹងធ្វើ​ឲ្យ​គ្មាន​ថាមពល មានតែ​ជាតិ​ស្ករ​ពី​ទឹកដោះ រហូតដល់​ក្លាយជា​ក្មេង​ធាត់។

៣.កុមារ​និយាយ​មិន​ច្បាស់

ធ្មេញ​ដើរតួនាទី​យ៉ាងសំខាន់​ក្នុងការ​បញ្ចេញ​សំលេង នៅពេល​ធ្មេញ​របស់​ទារក​ដុះ​មិន​ស្មើគ្នា វា​ក៏​មិន​ឥទ្ធិពល​លើ​ការប្រាស្រ័យ​ទាក់ទង និង​ការនិយាយស្តី​របស់​កុមា​រដែរ។ ដូច្នេះ​វា​ជាការ​ចាំបាច់​ដែល​កុមារ​ត្រូវ​បញ្ឈប់​មឹ​ម​ទឹកដោះ​ដោយ​ប្រើ​ដប។

បី​ទោះ​ជាមាន​ភាពលំបាក​សម្រាប់​ឪពុកម្តាយ​ក្នុងការ​បញ្ឈប់​កូន​ដែលមាន​ភាព​រឹង​ចចេស មិន​ព្រម​បោះបង់ចោល​ទម្លាប់​មឹ​ម​ដោយ​ប្រើ​ដប ក៏ដោយ តែ​ដើម្បី​អ​នា​គត់ និង​សុខភាព​របស់​កូន ឪពុកម្តាយ​ត្រូវ​ព្យាយាម​ធ្វើ​ឲ្យ​បាន៕