តើអ្នកណាមិនស្រឡាញ់កូននោះ? ដោយសារតែការស្រឡាញ់កូន ធ្វើឲ្យឪពុកម្តាយគ្រប់រូបមានការអប់រំកូនខុសៗគ្នា ទៅតាមអ្វីដែលខ្លួនឯងយល់ថាត្រឹមត្រូវ។ ក៏ប៉ុន្តែ មានរឿងមួយចំនួនអ្នកមិនត្រូវធ្វើចំពោះកូននោះទេ ព្រោះវាអាចធ្វើឲ្យកូនរបស់អ្នកគ្មានអនាគត់ឡើយនៅពេលធំឡើង។
១.បណ្តោលតាមចិត្តកូនខ្លាំងពេក
ដោយសារតែក្តីស្រឡាញ់ខ្លាំងពេកធ្វើឲ្យឪពុកម្តាយមួយចំនួនធ្វើខុស ដោយបណ្តោលតាមតែចិត្តកូនចង់បានអីបាននោះ ចង់ធ្វើអីធ្វើនោះ។ លទ្ធលកូនក្មេងជក្មេងទំនើង មិនអាចប្រៀនប្រដៅបាននៅឡើងដែលពួកគេធំឡើង។
២.ឲ្យលុយគេចាយតាមចិត្ត
សម្រាប់អ្នកមានមួយចំនួន តែងតែផ្តល់លុយច្រើនដល់កូនរបស់ខ្លួននៅពេលទៅរៀន ឬចាយវាយទៅលើរបស់អ្វីមួយ។ ទង្វីបែបនេះធ្វើឲ្យពួកគេមិនដឹងពីតម្លែនៃលុយថា ការរកមកវាពិបាកប៉ុណ្ណោនោះទេ គឺធ្វើឲ្យពួកគេដឹងតែពីចាយ រហូតដល់ធំមិនចេះតស៊ូចំពោះការរកប្រាក់ឡើយ។
៣.មិនឲ្យកូនពឹងផ្អែកលើសមត្ថភាពខ្លួនឯង
អ្នកណាក៏ស្រឡាញ់កូនដែរ ប៉ុន្តែអ្នកត្រូវបណ្តោលឲ្យពួកគេហ៊ានអ្វីដោយសមត្ថភាពខ្លួនឯង និងសម្រេចអ្វីខ្លះ។ នេះជាវិធីបង្រៀនកូនឲ្យចេះរឹងមាំ តាំងពីតូច នៅពេលដែលពួកគេធំនឹងនឹងពឹងពាក់ល់ខ្លួនឯងបាន ហើយមិនបាច់ពឹងឪពុកម្តាយទៀតឡើយ។
៤.មិនបានបង្រៀនកូនឲ្យចេះចែករំលែក
នេះជាទម្លាប់មួយដែលធ្វើឲ្យកូនរបស់អ្នកធំឡើយក្លាយទៅជាមនុស្សចិត្តអាក្រក់ អាត្មានិយមគិតតែពីខ្លួនឯង ហើយធ្វើអ្វីក៏ខ្សែលើលើអ្នកដទៃដែរ។
៥.មិនបានបង្រៀនកូនឲ្យស្គាល់បាបបុណ្យ
ក្នុងការរស់នៅរបស់មនុស្សគ្រប់រូបជៀសមិនផុតពីការធ្វើខុសនោះទេ គ្រាន់តែតិចឬច្រើនប៉ុណ្ណោះ។ ដូច្នេះនៅពេលដែលកូនរបស់អ្នកធ្វើខុស ត្រូវណែនាំឲ្យចេះស្គាល់កំហុស និងកែប្រែឲ្យធ្វើកូនល្អឡើងវិញ។
៦.មិនបានលើកទឹកចិត្តកូន
ការលើកទឹកចិត្តពិតជាមានសារៈសំខាន់ខ្លាំងសម្រាប់ផ្លូវចិត្តរបស់កូនៗគ្រប់រូប ទោះគេធ្វើអ្វីបរាជ័យក៏ដោយ។ ប្រសិនបើអ្នកមិនបានធ្វើបែបនេះ ពួកគេនឹងមានចិត្តចង្អៀត មានតែចិត្តច្រណែន នឹងមិនចេះជួយលើកស្ទួយអ្នកដទៃឡើយ ទោះឃើញគេគ្មានគំនុំអ្វិជាមួយខ្លួនក៏ដោយ៕
