សុដន់ គឺជាផ្នែកមួយនៃរាងកាយដែលមានភាពទាក់ទាញបំផុតសម្រាប់មនុស្សស្រីគ្រប់រូប ជាពិសេសវាជាឧបករណ៍សម្រាប់ចិញ្ចឹមកូននៅពេលកើតមកភ្លាម។ ប៉ុន្តែតើអ្នកដឹងទេថា អំឡុងពេលបំបៅដោះកូន តើសុដន់របស់អ្នកម្តាយមានភាពអស្ចារ្យដូចម្តេចខ្លះ? ខាងក្រោមនេះជារឿង៦យ៉ាង ដែលអ្នកនឹកស្មានមិនដល់អំពីសុដន់ពេលបំបៅដោះកូន៖
១.ធ្ងន់ជាងមុន
សុដន់របស់អ្នកម្តាយអាចឡើងទម្ងន់បន្ថែមទៀតរហូតដល់ទៅ២ផោន ដោយសារតែការផលិតទឹកដោះសម្រាប់បំពេញតម្រូវការដល់ទារក។
២.សុដន់ខាងស្តាំធំជាងខាងឆ្វេង
សុដន់ផ្នែកខាងស្តាំរបស់អ្នកម្តាយភាគច្រើនតែងតែផលិតទឹកដោះច្រើនជាងខាងឆ្វេង នេះហើយជាហេតុផលដែលធ្វើឲ្យសុដន់ម្ខាងតូចម្ខាងធំ។
៣.ក្បាលសុដន់មានរន្ធច្រើនជាងមួយ
ទឹកដោះម្តាយអាចបាញ់ចេញពីរន្ធច្រើនជាងមួយ ពីក្បាលសុដន់នីមួយៗ ប៉ុន្តែចំនួនរន្ធនៅលើក្បាលសុដន់អាចប្រែប្រួលពីម្តាយម្នាក់ទៅម្តាយម្នាក់ទៀត។
៤.ការផលិតទឹកដោះរបស់សុដន់
ត្រូវចាំថា ការផលិតទឹកដោះតិចឬច្រើនមិនសំដៅទៅលើទំហំសុដន់នោះទេ ជួនកាលសុដន់តូចអាចផលិតទឹកដោះបបូរ ជាងអ្នកដែលមានសុដន់ធំទៅទៀត។
៥.ព្យាបាលដោយខ្លួនឯង
នៅពេលក្បាលសុដន់ត្រូវរបួសដោយសារតែការកកិត អ្នកអាចយកទឹកដោះមកលាបលើតំបន់ដែលប៉ះពាល់ វានឹងជួយព្យាបាលឲ្យឆាប់ជាសះស្បើយដូចដើមវិញ។
៦.ដុតបំផ្លាញ់កាឡូរី
ពិតជាដំនឹងល្អមែន ការបំបៅដោះកូនអាចជួយដុតបំផ្លាញ់កាឡូរីរហូតដល់ ៥០០កាឡូរី ក្នុងមួយថ្ងៃ៕
