យោងតាមការសិក្សាថ្មីមួយនៅទីក្រុងសេអ៊ូល បានបង្ហាញថា ការបំបៅដោះកូនតែមួយមុខគត់តាំងពីកំណើត រហូតដល់អាយុ ៦ខែ អាចកាត់បន្ថយភាពធាតុ ឬលើសទម្ងន់ជ្រុលសម្រាប់កុមារ។
អ្នកស្រាវជ្រាវបានតាមដាន ទៅលើកុមារចំនួន ៣៨,០៣៩នាក់ បានបង្ហាញថា កុមារចាប់ផ្តើមលើសទម្ងន់នៅអាយុ៦ឆ្នាំ ដោយសារតែអ្នកម្តាយមិនបានឲ្យបៅដោះតាំងពីកំណើត ឬបៅតិចជាង ៦ខែ។
ការកើតឡើងនៃភាពធាត់ ចំពោះកុមារ ចាប់ផ្តើមកើនឡើងនៅទសវត្សឆ្នាំ ១៩៧០ ទូទាំងពិភពលោក។ កុមារដែលធាត់លើសទម្ងន់ទាំងនោះ ភាគច្រើនប្រឈមនឹងបញ្ហាសុខភាព តាំងពីនៅតូចៗ រហូតដល់ពេញវ័យ។
នេះហើយ ជាមូលហេតុដែលអ្នកជំនាញជុំឲ្យម្តាយគ្រប់រូប ព្យាយាមបំបៅដោះកូនតែមួយមុខគត់ យ៉ាងតិចបំផុតអាយុ ៦ខែ ដើម្បីកាត់បន្ថយភាពធាត់លើសទម្ងន់របស់កុមារ៕
