ដង្កូវស៊ីធ្មេញ មិនត្រឹមតែធ្វើឲ្យពិបាកក្នុងការទំពារអាហារ ការបញ្ចេញសម្លេង ខូចសោភ័ណ្ឌភាពនៃផ្ទៃមុខ ប៉ុណ្ណោះទេ សូម្បីតែស្នាមញញឹមក៏មិនស្អាតដែរ។
តើមូលហេតុអ្វីទៅដែលបណ្តោលឲ្យកុមារតូចៗ ត្រូវឆាប់មានបញ្ហាខូចធ្មេញ? នេះបណ្តោលមកពីឪពុកម្តាយបណ្តែតបណ្តោលឲ្យកុមារទទួលទានអាហារមិនល្អ។ អាហារទាំងនោះរួមមាន អាហារមានផ្ទុកជាតិម្សៅច្រើន ជាតិស្ករច្រើន ខ្វះអនាម័យទៀងទាត់ និងខ្វះជាតិកាល់ស្យូម។
ជាធម្មតាដើម្បីជួសជុលស្ថានភាពនេះ ពេទ្យធ្មេញនឹងប្រើវិធីសាស្ត្រជួសជុលជាតិកាធ្មេញ ឬប៉ះធ្មេញឡើងវិញ។ ប្រសិនបើធ្មេញរបស់កុមារមិនត្រូវបានព្យាបាលត្រឹមត្រូវ ធ្មេញរបស់ពួកគេអាចនឹងខូចខាតជាអចិន្ត្រៃយ៍មិនដុះមកវិញទៀតឡើយ។
ដូច្នេះ ក្រៅពីធ្វើអនាម័យថែរក្សាមាត់ធ្មេញឲ្យមានសុខភាពល្អ អ្នកគួរតែនាំកូនទៅសម្អាតធ្មេញឲ្យបានទៀងទាត់រៀងរាល់៦ខែម្តង ដើម្បីជៀសផុតពីការឆ្លងជំងឺធ្ងន់ធ្ងរ និងបង្កឲ្យមានផលវិបាកផ្សេង៕
